وەزارەتا بهرگریێ یا ترکیێ راگهاند، لەشکەرەکی وانێ ل ناڤچەیا ئۆپهراسیۆنا پەنچە-کلیدێ ب قەزایەکی بریندار بوویە و پشتره ل نەخوەشخانەیێ جانێ خوە ژ دەست دا.
وەزارەتا بهرگریێ یا ترکیێ ئیرۆ 7ێ ئادارێ ب داخویانیەکێ ئەشکەرە کر کو ل ناڤچەیا ئۆپهراسیۆنا پەنچە-کلیدێ، لەشکەرەکی وانێ ب ناڤێ ئادەم ئاڤونان ب قەزایێ بریندار ببوو ل نەخوەشخانەیێ مریە.
ل گۆری داخویانیا وەزارەتا بهرگریێ یا ترکیێ، 18ێ سباتێ 2023ێ ل ناڤچەیا ئۆپهراسیۆنا پەنچە کلیدێ ئادەم ئاڤونان ب شاشی بریندار ببوو و پشترە ژ بۆ دەرمانکرنێ بۆ نەخوەشخانەیێ هاتبوو ڤەگوهەستن.
ئارتێشا ترکیێ رۆژا 17ێ نیسانا 2022ان ل ناڤچەیێن زاپ، ئاڤاشین و مەتینا یێن د ناڤ ئاخا باشوورێ کوردستانێ دە ب ل دژی پهكهكێ دەست ب ئۆپەراسیۆنا ب ناڤێ پەنجە-کلید کر و ئۆپەراسیۆن هەتا نها بەردەوامە.