رێخستنا په‌كه‌كێ ناسنامه‌یا 5 جوانێن دن یێن كورد ئه‌شكه‌ره كو ل سالا 2021 كه‌تنه به‌ر ئێریشێن ده‌وله‌تا ترك و پاش ده‌رباسبوونا 2 سالان ژ نوو ڤه مرنا وان ئیفشا كر.
هه‌په‌گێ باسكێ له‌شكه‌ری یێ په‌كه‌كێ، رۆژا سێشه‌مێ 7/3/2023 ناسنامه‌یا 5 چه‌كدارێن خوه ئه‌شكه‌ره كر كو ل سالا 2021 ل هه‌رێما كوردستانێ كه‌تنه به‌ر ئێریشێن ده‌وله‌تا ترك و ژیانا خوه ژ ده‌ست دا نه، په‌كه‌كێ مرنا وان وه‌كه ب هه‌زاران جوانێن دن یێن كورد ڤه‌شارتبوو.
هه‌په‌گێ د په‌سنێ ڤان جوانان ده دیسا گۆتییه: «ئه‌و ملیتانێن هێژا یێن ئاپۆ بوون، ئه‌و فه‌دایێن ئاپۆ بوون، وان ژ زارۆكتیا خوه ئاپۆ و فه‌لسه‌فا ئاپۆ ناسكربوو»!.
په‌كه‌كه هه‌ر رۆژ وێنه‌یێن كۆمێن زارۆك و جوانێن كوردان د مه‌دیایا خوه ده پارڤه‌دكه، ئه‌و جوانێن كو د به‌رخوه‌دانا خوه یا ساخته ده به‌رێ وان دده مرنێ، په‌كه‌كه زارۆكێن كوردان د ره‌ڤینه و ب ده‌ستێ ئارتێشا ده‌وله‌تا داگیركه‌ر دده كوشتن و پشتره تێ و دبێژه: ئه‌و لایقی ئاپۆ ده‌ركه‌تن!.
