بریار بوو د 14ێ ئادارێ دا پارتیا دەمۆکراتیکا گەلان (ھەدەپە) پاراستنا خوە پێشکێشی دادگەھا دەستوورێ بکە، لێ ل سەر داخوازا ھەدەپێ، دادگەھا دەستوورێ ئەڤ رۆژە ھەتا 11ێ نیسانێ پاش خست.
دادگەھا بلندا ترکیەیێ د 17ێ ئادارا سالا 2021ێ دا دۆزا گرتنێ ل ھەدەپێ ڤەکربوو و ژ بۆ ڤێ داخوازا خوە سەری ل دادگەھا دەستوورێ دابوو.
ھەدەپێ بەری نھا ژ دادگەھا دەستوورێ خوەستبوو کو بریارا خوەیا ل سەر گرتنا ھەدەپێ پشتی ھلبژارتنان رابگھینە.
ھەروھا دادگەھا دەستوورێ د 5ێ چلەیێ دا بریار دابوو کو حەسابێن ئالیکاریا دارایی یا ھەدەپێ بهێت بلۆکەکرن.
ئیرۆ 9ێ ئادارێ، دادگەھا دەستووری یا ترکیێ، ب پرانیا دەنگان، بلۆکەیا ل سەر حەسابا خەزینەیێ یێ پارتیا دەمۆکراتیکا گەلان (ھەدەپێ) راکر.
داخوازا ھەدەپێ یا دەربارێ راکرنا ڤێ بلۆکەیێ، ژ ئالیێ ئەنجوومەنا گشتی یا دادگەھا دەستووری یا ترکیێ ڤە ھات نرخاندن.
دادگەھێ بریارا بلۆکەکرنا حەسابا ئالیکاریا دارایی یا ھەدەپێ بەتال کر. ھات دیارکرن کو بریار ل ھەمبەر 7 دەنگان، ب دەنگێن 8 ئەندامێن دادگەھێ ھاتیە دایین.
