ھەڤژینا عەبدورەحمان قاسملۆ کۆچا داوی کر   

هێلین قاسملۆ، ھەڤژینا سەرۆکێ بەرێ یێ پارتیا دەمۆکراتا کوردستانا ئیرانێ (پەدەکە-ی) عەبدورەھمان قاسملۆ، ل پاریسێ د تەمەنێ خوەیێ 89 سالی دا کۆچا داوی کر.

دوھ ئینێ 10 ئادارا 2023، ھەڤژینا عەبدورەھمان قاسملۆ، هێلین کرولچ کو د ناڤ پەدەکە-ی دا وەک “خوشکا نەسرین” ناڤدار بوویە، د تەمەنێ خوەیێ 89 سالیێ دا، ل باژارێ پاریسا پایتەختا فرانسایێ کۆچا داوی کر.

هێلین کرولچ د پرتووکا خوە یا “ئەورۆپیەک ل وەلاتێ کوردان” دا بەحسا ھوورگلیێن ژیان و سەرپێھاتیێن خوەیێن د قۆناغێن دژوارێن دیرۆکا خەباتا کوردان یا ل رۆژھلاتێ کوردستانێ و ئیرانێ دا کریە.

هێلین قاسملۆ د سالا 1934 دا ل وەلاتێ چیکیایێ ژداییک بوویە و د دەستپێکێن سالێن پێنجیان، لگەل عەبدورەحمان قاسملۆ زەوجیە و دایکا دو کەچێن ب ناڤێن مینا و ھیوایە.