فەرماندەیێ سێنت كۆمێ سەردانا کامپ و گرتیگەهێن رۆژئاڤایێ کوردستانێ کر و ل سەر مەترسیا چەکدارێن دیل یێن داعشێ هشیاری دا و ئهو وەکە «ئارتێشا گرتیان» ب ناڤ کر و گۆت کو ئەگەر چەکدارێن داعشێ ژ زیندانان دەرکەڤن دێ مەترسیەکە مەزن ل سەر تەڤاهیا هەرێمێ چێبکە.
فەرماندارێ فهرماندارییا ناڤەندی یا ئامەریکایێ (CENTCOM) گەنەرال مایكل کورڵا د 9ێ ئادارێ ده سەردانا رۆژئاڤایێ کوردستانێ کر.
فهرماندارییا ناڤەندی یا ئامەریکایێ پشتی سەردانێ داخویانیەکە نڤیسکی بەلاڤ کر و تێ دە هات راگهاندن کو فەرماندارێ سێنت كۆمێ گەنەرال مایكل کورڵا د چەند رۆژێن بۆری دە سەردانا ناڤەندێن دەستەسەرکرنا چەکدارێ داعشێ و خزمێن وان کریە و د ناڤ وان دە زیندانا خوێرانێ یا باژارێ حەسەکێ ژی هەیە کو سالا بۆری زێدەتری 300 چەکدارێن داعشێ هاتبوون کوشتن پشتی هەولدانا شکاندنا زیندانێ.
کورڵا د داخویانیێ دە گۆت، “دەما کو ئەز چووم گرتیگەهێ، من هەست ب گەفا ڤێ کۆما گرتیێن داعشێ کر”.
گەنەرال کورڵا هشیاری دا و گۆت “د ناڤا گرتیێن ل سووریە و ئیراقێ دە ئارتێشەکە راستی یا گرتی یا داعشێ هەیە. ئەوێ ژ هەرێمێ و دەرڤەیی وێ رە ببە خەتەریەکە مەزن”.
گەنەرال کورڵا تەکەز کر کو هێزێن سووریەیا دەمۆکراتیک (ههسهده) ل سووریە و رۆژئاڤایێ کوردستانێ د شەرێ ل دژی داعشێ دە هەڤکارێ سەرەکەیێ ئهمەریکایێ یە.
ب بیر خست کو ب دەهـ هەزاران کەسێن د ناڤ دە خزمێن چەکدارێن داعشێ ژی هەنە، ب سالانە ل کامپێن رۆژئاڤایێ کوردستانێ کو زێدەیی 10 هەزار بیانی لێ دمینن، تێن راگرتن و دبێژە «رێڤەبەریا خوەسەر گەلەک جاران داخواز ژ وەلاتان کریە کو وەلاتیێن خوە ڤەگەرینن، لێ حکوومەتێن وان ژ بەر مەترسیێن ئەولەهی و ناکۆکیێن سیاسی یێن ناڤخوەیی ل سەر ڤەگەرا وان تەنێ رێ دانە هەژمارەکە کێم ژ وان کو ڤەگەرن».
گەنەرال کورڵا دیار کر کو د سۆحبەتا خوە یا ب شێنیێن کامپان رە کو ب دەهان مالباتێن داعشێ یێن زێدەیی 15 وەلاتان ل رۆژئاڤایی کوردستانێ تێن راگرتن، وان هەموویان داخوازا ڤەگەرا ل وەلاتێن خوە ئانینە زمان و گۆت «چارەسەریا لەشکەری یا ڤێ پرسگرێکێ نینە. یەکانە چارەسەری ژ مەترسیا دائیمی یا داعشێ رە ل کامپێ، ڤەگەراندن، نووئاڤاکرن و ڤەگەراندنا نیشتەجهێن کامپێ ل وەلاتێن وانە».
فەرماندارێ سێنت كۆمێ گۆت کو بەرپرسێن ههسهدێ و رێڤەبەرێن زیندانێ یێن کو ئەو پێ رە ئاخڤین، چەکدارێن داعشێ یێن گرتی وەک “هشک، رادیکالتر و بۆمبەیەکە دهمكری” ب ناڤ کرن.
General Kurilla traveled to northeast Syria where he visited sites critical to the ongoing effort to ensure the enduring defeat of ISIS. pic.twitter.com/BYfNge7VEs
— U.S. Central Command (@CENTCOM) March 11, 2023
