برینا دارێن زەیتوونێن عه‌فرینێ ژ هێلا چه‌ته‌یێن ترکیێ ڤە زێدە بوویە

رێژەیا برینا دارێن زەیتوونان و دەستدانینا سەر مال و ملکێن وەلاتیێن عه‌فرینێ ب زۆرا چەکان ژ ئالیێ چەکدارێن ئارتێشا نشتمانی یێن كو ترکیە پشتەڤانیا وان دكه‌، زێدە بوویە.

روانگه‌ها سووری یا مافێن مرۆڤان بەلاڤ کر، چەکدارێن فرقەیا ئەل-حەمزات نێزیکی 40 دارێن زەیتوونان ل نێزیکی گوندێ تلفێ ل گوندەوارێ عه‌فرینێ برین.

هەر وها چەکداران 110 دارێن زەیتوونان ل گوندێن بتێتێ و قیبارێ یێن سەر ب عه‌فرینێ ڤە و 80 دارێن زەیتوونان ژی ل گوندێ گەورکا یێ سەر ب ناڤچەیا جندرێسێ ڤە برین.

رەوانگەهێ دا زانین ژی، چەکدارێن کۆما «سولتان محەمەد ئەل-فاتح» نێزی 100 دارێن زەیتوونان ل گوندێ بەهدینا یێ ناڤچەیا راجۆ برین.

ل گوندێ سەرینجەکێ یێ ناڤچەیا شه‌رایێ ژی، چەکدارێن کۆما «سقوور ئەل-شامێ» نێزی 50 دارێن زەیتوونان برین.

رەوانگەهێ گۆت ژی، چەکدارێن سەر ب ترکیێ ڤە ب ئارمانجا ئاڤاکرنا خانیان ژ مالباتێن چەکداران رە، دەست دانین سەر ئەردەکی ل ناڤچەیا راجۆ و گەفا کوشتنێ ل خوەدیێ وێ خوارن ئەگەر ل ئالیێن پێوەندیدار گلیێ ل وان بکە.

ژ دەما داگیرکرنا عه‌فرینێ د 18ێ ئادارا 2018ان دە، ئارتێشا ترکیێ و گرووپێن چەکدار ڤە، ژ بلی کو دەستێ خوە دانینە سەر ب هەزاران دارێن زەیتوونان، ب سەدهەزاران دارێن خەلکێ ژی هلکرنە، برینە و شەوتاندنە.