وه‌كه هه‌ر رۆژ، رێخستنا په‌كه‌كێ ئیرۆ ژی ناسنامه‌یا ره‌فه‌كا دن یا زارۆكێن كوردان ئاشكه‌ره كر كو 5 سالان به‌رێ دانه كوشتن و ژ نوو ڤه مرنا وان ئیفشا كر.
هه‌په‌گێ باسكێ له‌شكه‌ری یێ په‌كه‌كێ دوهـ رۆژا یه‌كشه‌می 12/3/2023 ناسنامه‌یا 6 جوانێن دن یێن كوردان كو هنه‌ك ژ وان هێژان د ته‌مه‌نا زارۆكتیێ ده نه ئاشكه‌ره كر كو ل سالا 2017ێ ل باشوورێ كوردستانێ ب ده‌ستێ ئارتێشا ترك دا نه كوشتن و ژ نوو ڤه مرنا وان ئیفشا كری یه.
هه‌په‌گه كو مرنا ڤان جوانان ژی وه‌كه ب هه‌زاران رێهه‌ڤالێن وان ب سالانه ل مالباتێن وان ڤه‌شارتی یه، ئیرۆ هاتیه د په‌سنێ وان ده دبێژه مه هه‌ڤالێن خوه وه‌ندا كرن، ئه‌و ئاپۆیی بوون، فه‌دایێ ئاپۆ و لایقی وی ده‌ركه‌تن!.
پارتییا كاركه‌ران هه‌ر رۆژ وێنه‌یێن كۆمێن زارۆكێن كوردان د مه‌دیایا خوه ده پارڤه‌دكه، زارۆكێن كو د به‌رخوه‌دانا ساخته ده تێن فه‌دا كرن، پرانی ژێ د سالێن رابووری ده هاتنه كوشتن و رێخستن مرنا وان ئیلان ناكه، په‌كه‌كه ب ئاوایه‌كی ووسا به‌رێ زارۆكێن كوردان دده مرنێ كو هنه‌كی مایه ناڤێ كۆمكوژیێ لێ وه‌ره كرن.
ئه‌ڤ رێخستن زارۆكێن كوردان د ره‌ڤینه و به‌رێ وان دده مرنێ و ب سالان مرنا وان ڤه‌دشێره و پشتره تێ و دبێژه خوینا وان لاییقی ئاپۆ ده‌ركه‌ت!.
