رێخستنا په‌كه‌كێ ناسنامه‌یا ره‌فه‌كه دن یا جوانێن كوردان ئه‌شكه‌ره كر، ئه‌و ژی وه‌كه ب هه‌زارا رێهه‌ڤالێن خوه ب سالانه هاتنه فه‌دا كرن و رێخستن ژ نوو ڤه هاتیه مرنا وان راگهاندییه.
هه‌په‌گێ باسكێ له‌شكه‌ری یێ په‌كه‌كێ رۆژێن یه‌كشه‌م و دوشه‌می 13 و 14/3/2023 ناسنامه‌یا 4 چه‌كدارێن خوه یه‌ك ژێ فه‌رماندار ئه‌شكه‌ره كو 5 سالان به‌رێ ل چیایێ ئاسۆس و هه‌رێما پێنجوین یێن باشوورێ كوردستانێ كه‌تنه به‌ر ئێریشێن ده‌وله‌تا ترك و ژ نوو ڤه مرنا وان ئیفشا كری یه.
هه‌په‌گێ پشتی مرنا ڤان جوانان وه‌كه ب هه‌زاران رێهه‌ڤالێن وان ب سالانه ل مالباتێن وان ڤه‌شارتی، ئیرۆ هاتیه د په‌سنێ وان ده دبێژه مه هه‌ڤالێن خوه یێن ئاپۆیی وه‌ندا كرن!.
ناڤێن وان وسایه:
جەرجیس چاکسوو ژ وانێ.
رامین نەسروولاهـ زادە ژ پێنجوینێ.
خوسرەو سپایی ژ بانە.
مووسا مەحموود رەش ژ مهابادێ.
پارتییا كاركه‌ران هه‌ر رۆژ وێنه و ناسنامه‌یێن كۆمێن جوانێن كوردان د مه‌دیایا خوه ده پارڤه‌دكه، جوانێن كو د سالێن به‌رێ هاتنه كوشتن و هێژان مرنا وان نه‌هاتیه ئیفشا كرن.
په‌كه‌كه ژ بۆی چێكرنا شه‌رڤانان پشتبه‌ستنێ ل سه‌ر ره‌ڤاندنا زارۆكێن كوردان ژ هه‌ر چار په‌رچه‌یێن كوردستانێ دكه، ئه‌ڤ یێك ژ هێلا رێخستنێن ناڤده‌وله‌تی و رێخستنێن مافێن مرۆڤان هاتیه ته‌سبیت كرن.
