سالح نیکبەخت پارێزەرێ مالباتا ژینا ئەمینی ب تۆهمەتا «پرۆپاگانداکرنا ل دژی رەژیمێ» بۆ شاخا دویەم یا دادگەها لێکۆلینا شۆرەشێ یا تەهرانێ هاتە گازیکرن.
ل گۆر راپۆرا تۆرا مافێن مرۆڤان یا کوردستانێ، پارێزەرێ ناسکری کو پێشتر نوونەراتیا هەژمارەک ژ چالاکێن سیاسی و سڤیل ژ وان گرتیێن سیاسی یێن کورد کریە، بۆ دادگەها شۆرەشا رەژیما ئیرانێ ل تەهرانێ هات گازیکرن و ب تاوانا «پرۆپاگانداکرنا ل دژی رەژیمێ» هاتە تاوانبار کرن.
تۆرا مافێن مرۆڤان یا کوردستانێ ئه‌شكه‌ره كر، سالح نیکبەخت ب کەفالەت هات بەردان و ل بەندا دادگەهکرنا خوه یه.
چاڤکانیەکێ ژ تۆرا مافێ مرۆڤان یا کوردستانێ رە راگهاند، کو نیکبەخت ب تاوانا ئاخافتنا ب مەدیایێن بیانی رە هاتیە دادگەهـ کرن.
پێشتر پزیشکێ دادوەری سەدەما مرنا ئەمینی ب نەخوەشیه‌كه وێ یا بەرێ ڤە گرێدابوو، لێ سالح نیکبەخت راگەهاندبوو کو، ئەمینی پشتی دو دەمژمێران ژ دەستەسەرکرنا وێ بۆ نەخوەشخانەیێ هاتیە ڤەگوهەستن و كو ژ سەدی 95ێ نیشانێن ژیانێ لێ نه‌مابوون.
