ھەژمارا وەلاتیێن کو ل باژارێن رھا و سەمسوورێ یێن باکورێ کوردستانێ جانێ خوە ژ دەست دان، گھیشت 16 کەسان، ھەروھا ل وان ھەردو باژاران، خەباتێن لێگەرینا 4 کەسان بەردەوامن.
دوھ دانێ سپێدێ ل رحایێ بارانەکا بھێز باری و ژ بەر بارانا زێدە، لەھی رابوو. خەلکێ باژێر دیار دکن کو دەردۆرا دەمژمێر 06:00 ھەر تشت ئاسایی بوو، لێ پشتی 20-30 خولەکان، لەھی رابوو.
ل باژارێ رحایێ ب ئالیکاریا ھێزێن ئەولەھیێ ب دەھان وەلاتی ژ ناڤ لەھیێ ھاتن رزگارکرن، لێ 14 وەلاتیان د ناڤ لەھیێ دە جانێ خوە ژ دەست دان.
ھەروھا ل باژارێ سەمسوورێ ژی د ناڤ لەھیێ دا 2 کەسان جانێ خوە ژ دەست دان و ھەژمارا قوربانیێن لەھیێ گھیشت 16 کەسان.
