ئیرۆ 5 سال د سەر داگیرکرنا عهفرینا رۆژئاڤایێ کوردستانێ ژ ئالیێ ترکیێ و گرۆپێن چەکدارێن سەر ب وێ ڤە رە دەرباس دبن.
د 18ێ ئادارا 2018ان رۆژەکە وەکە ئیرۆ دە، پشتی شەرەکی کو 58 رۆژان بەردەوام کر، باژارێ عهفرینێ یێ رۆژئاڤایێ کوردستانێ ب تەمامی ژ ئالیێ ترکیێ و گرۆپێن چەکدارێن سەر ب وێ ڤە هات داگیرکرن. رەوشەکە نوو ل عهفرینێ چێبوو و گەلەک گوهەرتن ب خوە رە ئانین.
ل عهفرینێ د بن دەستهلاتا نوو دە، کوردان ئێش و ئازارێن زێدە دیتن و هەژمارەکە زێدە یا بنپێکرنان وەکە گرتن، رەڤاندن، ئیشکەنجەدان و تالانکرنا مال و ملکان و دەستدانینا سەر مال و ملکێن خەلکێ و گوهەرتنا دەمۆگرافیێ ژی دەست پێ کر.
هەژمارەکە زێدە یا خەلکێ هەم ژ بەر شەرێ 58 رۆژان و هەم ژی ژ بەر بنپێکرنان و ئاستەنگیان کۆچبەر و دەربدەر بوون و بەرێ خوە دانە تاخێن ئەشرەفیێ و شێخ مەقسوود یێن ل حەلەبێ، حەسەکە و شەهبا و قامشلۆ.
