سەرۆکێ سەرۆکاتیا رێڤەبرنا رەوشا بلەز و کارەساتان (ئافاد) یونوس سەزەر راگھاند، ھەژمارا قوربانیێن ئەردھەژێن 6ێ سباتێ، گھیشتیە 50 ھەزار و 96 کەسان.
یونوس سەزەر ئەشکەرە کر، ھەژمارا بریندارێن ئەردھەژێ کو ناڤەندا وێ پارێزگەھا مەرەشێ یا باکورێ کوردستانێ بوو، 107 ھەزار و 204 بریندار بوویە.
ل ئالیێ دن، لێپرسینێن ئەردھەژێ دا، 104 بەلێندەر، 161 بەرپرسێن ئاڤاھیێ، 15 خوەدیێن ئاڤاھیان و 18 کەسێن کو د ئاڤاھیان دا گوھەرین کرنە، ھاتنە گرتن.
ژ بەر ئەردھەژا رۆژا 6 سباتێ، ل 11 باژارێن باکورێ کوردستانێ و ترکیێ ب ھەزاران ئاڤاھی ھلوەشیان و زێدەتری 2 ملیۆن کەسان بۆ باژارێن دن کۆچ کرن.
سبەھا رۆژا 6ێ سباتا 2023 ل ناڤچەیێن پازارجخ و ئەلبیستانێ یێن پارێزگەھا مەرەشێ یا باکورێ کوردستانێ 2 ئەردھەژێن ب ھێزا 7.7 و 7.6 روو دابوون.
