په‌كه‌كێ بریارا راوه‌ستاندنا «شه‌رێ ساخته» هەتا پشتی هلبژارتنان درێژ كر
رێخستنا په‌كه‌كێ دەما بریارا خوە یا راوەستاندنا چالاکیان کو پشتی ئەردهەژێن 6ێ سباتێ راگهاندبوو، هەتا هلبژارتنێن 14 گولانێ یێن تركیێ درێژ کر.
هەڤسەرۆکا كجه‌كێ بەسێ هۆزات ژ تەلەڤیزیۆنا پارتیا خوە رە ئاخڤی و گۆت: «پێڤاژۆیا هلبژارتنێ گەلەک گرینگە و مە ژی خوەست د دەمەکە وها دە هزرەکا نوو ل سەر بریارا خوە یا راوەستاندنا چالاکیان بکن. ئەڤ هلبژارتن ژ بۆ گەلێ مە، ژ بۆ گەلێن ترکیێ گرینگە و راستیەکە دیار هەیە کو هلبژارتنەکە دیرۆکی یە. لەوما مە ژی قەدر دا ڤێ گرینگیێ و بریار دا کو درێژی بدن بریارا خوە یا بێچالاکیێ».
بەسێ هۆزات ئاماژە ب وێ کر، ئەوێ پشتی هلبژارتنان نرخاندنەکە نوو ل سەر ل سەر رەوشێ و بریارا خوە بکن.
هەڤسەرۆکا کجکێ دەستنیشان کر ژی، ژ دەما وەرگرتنا بریارا راوەستاندنا چالاکیان و ڤر ڤە ئارتێشا ترکیێ ئێریشێن خوە زێدە کریە و چەکێن کیمیەوی و چەکێن قەدەخەکری ب کار تینە. ل هەمبەری ڤان ئێریشان، دێ بەرسڤا وان هەبە، لێ بەلێ د ڤێ پێڤاژۆیا هلبژارتنێ دە دڤێ یەکینەیێن وان یێن لەشکەری ب ت ئاوایی چالاکیان نەکن.
