پەکەکێ داخویانیەک دا و دیار کر کو فازل گتەیی کو بەرێ د خەباتا ھەپەگێ دا جھ گرتیە ژیانا خوە ژ دەست دایە.
فازل گتەیی کییە؟
ئەحمەد شەکەر ب ناسناڤ فازل بۆتان (گتەیی)، د سالا 1968 دا ل گوندێ گتە یێ سەرب سلۆپی-شرنەخ ژ دایک بوویە. د ناڤا پەکەکێ دا ب ناڤێ فازل گتەیی تێ ناسکرن.
فازل بۆتان کو د سالا 1988 دا تەڤلی پەکەکێ ب بوو، ھەتا سالێن 2000 ل ھەرێما بۆتانێ خەبات کر. تێ زانین کو فازل بۆتان د ناڤ پەکەکێ دا کەسەکی ھەری نێزیکی مراد قارایلانە. پشتی سالا 2000 ل گەلەک دەڤەرێن باشوورێ کوردستانێ مایە. فازل بۆتان د سالا 2014 دا ل رۆژئاڤا دهێت ئەرکدار کرن. ل ڤر د پیرۆزباھییەک بھارێ یا کو ژ ئالیێ پەکەکێ ڤە هاتیە رێکخستن دا بوویەرەک دقەومە. د پیرۆزباھییێ دا ھونەرمەندێن پەکەکێ یێن ل ئەورۆپایێ ژی لێ ئامادە نە، بۆمبەیەک دتەقیت. ھەر چەند دهێت گۆتن کو بۆمبە ب قەزاقەدەر تەقییایە ژی، لێ ھێ ژی راستیا ڤێ بوویەرێ نایێ زانین. فازل بۆتان ژی د ڤێ تەقینێ داب گرانی بریندار ببوو. ئەو ب ھەلیکۆپتەرەکا تایبەتا وێ دەمێ ژ ئالیێ ھکوومەتا ھەرێما کوردستانێ ڤە ھاتبوو دابینکرن، رەوانەیی ھەولێرێ دهێت کرن. ل نەخوەشخانەیەکا تایبەت دمینە.
دووڤ را، ئەو ب بالافرەکا تایبەتا کو ژ ھێلا ئارتێشا فرەنسی ڤە ھاتیە تەمینکرن رێکرن نەخوەشخانەیەکا ل پاریسێ. ژ بەر برینا وییا گران ل ڤر، ژ ئالیێ پزشکی ڤە تشتەکی ئەرێنی نکارن بکن، ب سالانە ئەو ب جیھازی ڤە گرێدایییە.
ب پەسەندکرنا پەکەکێ د سالا 2022 دە جیھاز دهێت ژێڤەکرن.
فازل گتەیی بەریا سالەکێ ژیانا خوە ژ دەست دایە، لێ د داخویانیا پەکەکێ یا کو سالەک شووندا ھات راڤەکرن دا، سەدەمێ درەنگ راگەهاندنا مرنا وی جھ نەگرت.
