کۆڤارا فۆربس یا ئه‌مریكی بەلاڤ کر، پێشمەرگەیێن کوردستانێ هێزا ئاسمانی نینە، هه‌ر چه‌ند کو هەرێما کوردستانێ هەڤپەیمانا ئه‌مەریکایێ یە و رووبروویێ کێشە و گەفێن جودا یێن ئەولەهیێ دبیت.
کۆڤارا فۆربسا ئامەریکی د راپۆرتەکێ دا زانین، ب دابینکرنا چەند سیستەمێن C-RAM بۆ هەرێما کوردستانێ، دێ د کارینا هەولێرێ دا بیت کو رووبروویی ئێرشێن درۆن و مووشەکان ببیت.
د راپۆرتێ دا هاتیە گۆتن، ژ بلی سیستەما C-RAM ، دانا تانکێن ل دژی فرۆکەیێن ئۆتۆماتیک یێن ئه‌لمانی یێن Gepard بۆ هەولێرێ، دێ كارتێكرنه‌كا مەزن ژ بۆ رووبرووبوونا درۆنان هەبیت كو د سالێن داویێ دا ل دژی هەرێما کوردستانێ هاتنە بکارئانین.
تانکێن ئۆتۆماتیکی یێن ئه‌لمانی Gepard، د شەرێ ئوکراینایێ دا ژ بۆ خستنا درۆنێن ئیرانێ هاتن بکارئانین.
فۆربس دبێژیت: ب دانا سیستەمێن دژە-مووشەکی بۆ هەرێما کوردستانێ، ئەگەر چەند هەلیکۆپتەرێن AH-6 بهێنه دان، دێ پشتەڤانیا ئاسمانی یا پێشمەرگەی د شەرێ ل دژی داعشێ و هێزێن مینا وێ دا بکه‌ن.
AH-6 هەلیکۆپتەرەکە شەرکەرا ئاستا دەستپێکێ یە و بهایێ هەر یەک ژ وێ 2 میلیۆن دۆلارە.
ل گۆری فۆربسێ، ئەگەر هەلیکۆپتەرێن شەر یێن پێشکەتی و چەند سیستەمێن بەرەڤانیا ئاسمانی بۆ هەرێما کوردستانێ هەبن، ل سەر چ ئالیەکی نابە مەترسی. لێ بەلێ دێ كارتێكرنه‌كا مەزن ل باشکرنا کارینێن هێزێن پێشمەرگە ژ بۆ پاراستنا ناڤخوە بکەت.
