ل ناڤچەیا یەشیلیورت یا سەر ب پارێزگەھا مەلەتیێ یا باکورێ کوردستانێ ئەردھەژەکا ب پلەیا 4 روودا.
سەرۆکاتیا رێڤەبرنا رەوشا بلەز و کارەساتان (ئافاد) ل سەر مالپەرا خوە راگھاند، ل ناڤچەیا یەشیلیورت یا سەر ب پارێزگەھا مەلەتیێ، ب ھێزا 4 پلە ئەردھەژ قەومی.
ئافادێ ھەروھا دیار کر کو ئەردھەژ د دەمژمێر 16:58 خولەکان دا و 7.1 کیلۆمەتران د بن ئەردی دا روودایە.
سبەھا رۆژا 6ێ سباتا 2023 ل ناڤچەیێن پازارجخ و ئەلبیستانێ یێن پارێزگەھا مەرەشێ یا باکورێ کوردستانێ 2 ئەردھەژێن ب ھێزا 7.7 و 6.7 روو دابوون و د ئەنجامێ دا ل گۆر ئامارێن فەرمی زێدەتری 50 ھەزار کەسان جانێ خوە ژ دەست دان.
