داخویانیا رێڤەبەریا رۆژئاڤا بێبەختی کرنە ل خەلکێ دھۆک و ھەولێرێ

داخویانیا رێڤەبەریا رۆژئاڤا بێبەختی کرنە ل خەلکێ دھۆک و ھەولێرێ

دوھ ل سەر ناڤێ رێڤەبەریا خوەسەر یا رۆژئاڤا داخویانیەک د چاپەمەنیا نێزی پەکەکێ دا جھگرت. نووچەیا کو ب سەر ناڤێ “سپاس ژ رێڤەبەریا خوەسەر یا رۆژئاڤا ژ بۆ گەلێ سلێمانیێ” ھات وەشاندن. ئەڤ سپاسنامە ژ بەر وان ئالیکارییان بوو کو ژ بۆ زەرەرمەندێن ئەردھەژێ ھاتین کۆمکرن و شاندن.

رێڤەبەریا رۆژئاڤا د داخویانیا خوە دا وھا گۆت: “رێڤەبەریا خوەسەر یا باکور و رۆژھلاتێ سووریێ ژ بۆ ئالیکاریا زەرەرمەندێن ئەردھەژێ سپاسیێن خوە ئاراستەیی گەلێ سلێمانیێ یێ باشورێ کوردستانێ دکە. ئەڤ یەک ئەرکا بەرپرسیاریا گەلێ مە یێ سلێمانیێ نیشان ددە.”

پشتی ھەر دو ئەردھەژێن 6ێ سباتێ یێن ل مەرەشێ، حکوومەتا ھەرێما کوردستانێ و دەزگەھێ خێرخوازی یێ بارزانی یەکەم تیمێن ئالیکاریێ بوون کو گھشتن رۆژئاڤا-عەفرین و باکورێ کوردستانێ. رۆژا پشتی ئەردھەژێ ل ھەموو باژارێن باشوورێ کوردستانێ ژ ئالیێ رێڤەبەریێن باژاری ڤە خالێن ئالیکاریێ ھاتن دانان.

ل ھەر باژارەکی وەکە دھۆک، ھەولێر، حەلەبجە و گەرمیان ئالیکاری ھاتن کۆمکرن. گەل وەکە رووبارەکێ حەرکی قەستا جهێن خێڤەتێن ئالیکاریێ لێ هاتیە دانان کر. ب دەھان پارک و مزگەفت ژی بوونە جهێ ئالیکاری کۆمکرنێ. خەلک ل دوھۆک و ھەولێر ل گەل باژارۆک و قەزایێن وێ بوو ڤێ کارەساتێ سەفەربەر بوون. ئەڤ ھەموو ئالیکاری ب ئاوایەکی زەلال ژ بۆ کەسێن پێدڤی ھاتن شاندن. ھین ژی تێن رێکرن.

د رەوشەک وھا دا سپاسنامەیا رێڤەبەرییا خوەسەر یا تەنێ بوو سلێمانییێ پر بالکێش بوو. داخویانیا رێڤەبەریا رۆژئاڤا ھەم وەکە بێوەفایی و ھەم ژی وەکە نییەتەکا نەپاک یا سیاسی ھاتە شیرۆڤەکرن.

سەرەرای کو حکوومەتا ھەرێما کوردستانێ و گەل ژ بۆ زیانڤێکەتیێن ئەردھەژێ خەباتەکا پر شایەستەیی ل دار خستن، ھەڤسەرۆکا کەجەکێ بەسێ ھۆزات بەریا نھا داخویانیەک دابوو و گۆتبوو، “پەدەکە ئالیکاریێ ئاستەنگ دکە.”

پوستێن ھەمان بەش