بازرگانێ کورد زەکی ئۆگوز، کو ل ئالمانیایێ دژی و شریکێ خوارنگەھەکێ یا ل تاقسیما ستەنبۆلێیە، ھەفتەیا بۆری ھاتبوو ستەنبۆلێ. کارسازێ کورد زەکی ئۆگوز، رۆژا کو ھاتی ل کەمەربورگاز گۆکتورک یا ستەنبۆلێ وندا بوو. خزمێن کو نەکارین خوە بگھینن ئۆگوز سەری ل رێڤەبەریا پۆلیسان دان.
بەریا وندابوونا ئۆگوز دیمەنێن کامیرایێن ئەولەھییێ یێن بازارێن دەردۆرێ ھاتن شۆپاندن. د دیمەنان دا تێ دیتن کو ئۆگوز دەما ژ سووکێ دەردکەڤە ژ ئالییێ 9 کەسان ڤە ب زۆرێ ل ترمبێلێ تێ سوارکرن.
پارێزەر عەبدولرەحمان کارابولوتێ کو خزمێ کارسازێ کوردە، ئیدیعا کر کو ئۆگوز ژ ئالییێ “ھێزێن دەولەتا کوور” ڤە ھاتیە رەڤاندن. کارابولوت دیمەنێن کامەرایا ئەولەھییێ یا رەڤاندنا زەکی ئۆگوز ل سەر حەسابا خوە یا تویتەرێ پارڤە کر و وھا ئاخڤی:
“وەلاتییێ ئالمان زەکی ئۆگوز 10 رۆژان بەرێ ل ستەنبۆلێ ھات رەڤاندن. ھەتا نھا ژی خەبەرا مە ژ زەکی ئۆگوز تونەیە. ل گۆر ئاگاھیێن کو مە ب دەست خستنە، د دەستێ ھێزێن دەولەتا کوور دایە”.
