سه‌لاحه‌ددین دەمیرتاش هەڤسەرۆکێ بەرێ یێ هه‌ده‌پێ، تەڤی کو د گرتیگەهێ دا یە ژی، حەسابا خوە یا تویته‌رێ بەردەوام د شوغلینە. لێ پرانی تویتێن وی دبن سەدەما بەرتەکێن کوردان.
دوهـ ئێڤاری ئەڤ تویتا وی:
«ب راستی ئەم ل وەلاتەکی وەک به‌هه‌شتێ دژین، وەرن ئەم دەستێن خوە بدن هەڤ کو ژ ڤێ هێزا کو ژ بۆ خاترێ کورسیێن خوە بەراهەڤ ددن، ژ ئاشتی و براتیێ دترسە و وەلات کریە دۆژەهـ رزگار ببن، ترکیە یا مە هەموویانە، کۆمار یا مە هەموویانە، سبەرۆژا گەش و خوەش یا مە هەموویانە». بوو جهێ بەرتەک و نەرازیبوونا کوردان.
دەمیرتاش د گۆتنێن خوە یێن ڤێ دەما داویێ دە، وەکە په‌كه‌كێ و هه‌ده‌پێ ب چ ئاوایی گرنگیێ نادە ناسنامەیا کوردی، دەمیرتاش، کو هەر تم هەول ددە ل هەمبەری ترکان خوینشرین خویا بکە، دوهـ ئێڤارێ ل سەر تویته‌را خوە راستی بەرتەکەکە مەزن هات، د ناڤا چەند ساعەتان دە کوردان بەرسڤا دەمیرتاش ب توندی دا.
کوردان گۆتنا مسته‌فا کەمال یا «چ بەختەوه‌رە یێ کو دبێژە ئەز ترکم» ب بیر خست و گۆتن دێ دەمیرتاش ژی د دەمەکی نەزێدە دا ببێژە «چ بەختەوەرە یێ کو دبێژە ئەز ترکم».
هنەک حه‌سابان گۆت، “دەما کو هەول ددا ئەردۆگان بچە، ئەو بخوە کەتی بوو»
دەمیرتاش کەسایەتیەکی جێواز بوو کو ژ بلی کوردێن لایەنگرێن په‌كه‌كێ ژ ئالیێ کوردێن دن ڤە ژی دهات حەزکرن، لێ بەلێ ب دەمێ رە، هەلوەستێن وی یێن ماگازینی و ب تایبەتی ژی پەسندایین و دلسۆزییا وی یا ل سەر ترکیێ، مینا کو پرسگرێکا کورد و کوردستانێ تونە بە، تەڤگەرین بوو جهێ بەرتەکا کوردان.
دەمیرتاش د مەها چلەیێ دە ژی مالپەرەکێ شەخسی ڤەکر بوو، د مالپەرێ دە زمانێن وەکی ئالمانی، ترکی، ئینگلیزی و فرەنسی هەبوون، لێ زمانێ کوردی تێ دە تونە بوو. ل سەر بەرتەکا مەزن یا کوردان مەجبوور ما کو زمانێ کوردی ژی ل مالپەرێ خوه زێدە بكه.
کوردێن باکور بەرتەکدارن
د پێڤاژۆیا هلبژارتنان دە ل باکورێ کوردستانێ و ترکیێ چ جەوەکی هێڤیێ ژ بۆ کوردان نینە، سیاسەتا په‌كه‌كێ و هه‌ده‌پێ ژ رایا کوردی ڤە نایێ پەژراندن، پشتگریا ژ بۆ کلچدارۆگلو بێی کو چ داخوازیێن سییاسی بکە، د بەیاننامەیا هلبژارتنێ دا نەبوونا نەداخوازییێن زمان و مافێن کوردان و هەروه‌ها بەربژێرێن ئەرگەنەکۆنیێ یێن کەمالیستێن وەک حه‌سه‌ن جەمال و هنەکێن دن یێن وەکە وی، د لیستەیا هه‌ده‌پێ دە هاتن تەرجیح کرن،هه‌ده‌پە دێ د بن ناڤێ «پارتیا چەپا کەسک» YSP دا بکەڤە هلبژارتنا و بەربژێر ژی به‌هرا بێتر ژ چەپێن ترکیێ یێن کەمالیست هاتنە نیشاندان، ڤێ هەلوەستا هه‌ده‌پێ د ناڤا کوردان دە بوو سەدەما بەرتەکێن دژوار.
