رەوانگەها سووری یا مافێن مرۆڤ بەلاڤ کر، هێزێن سووریەیا دەمۆکراتیک هه‌سه‌دێ، 20 کەس ژ زیندانێن خوە بەردان کو ب تۆمەتا ئەندامتیا داعشێ هاتبوون گرتن.
رەوانگەها سووری یا مافێن مرۆڤ بەلاڤ کر دوهی شەمبیێ 1\4\2023، هه‌سه‌دێ 20 کەسێن ب تۆمەتا داعشێ هاتبوون گرتن، سەربەست بەردان، دا زانین ژی، کەسێن هاتنە بەردان ژ گوند و باژارۆکێن رۆژهلاتێ دێرازۆرێ نە.
ژ ئالیێ خوە ڤە، چالاکڤانان لیستەیەک ژ کەسێن ئازادکری بەلاڤ کرن کو تێ دە 56 ناڤ هەنە، د ناڤ وان دە یێن کو 4 سال د زیندانان دە مانە، هەنە.
ل گۆری رەوانگەهێ، کەسێن هاتنە بەردان، ب تۆمەتا ئەندامتیا داعشێ هاتبوون گرتن و پشتی لێکۆلینێ، ت بەلگەیەک تونە بوو کو وان کوشتن کرنە، یان پێوەندیا وان ب داعشێ رە هەیە.
د ناڤا مەها ئادارا بۆری دە ژی، ب ناڤبێنکاری و کەفالەتا عەشیرێن عەرەبان، هه‌سه‌دێ 19 گرتیێن داعشێ یێن دەستێن وان ب خوینێ نەبوونە، سەربەست بەردابوون.
