په‌كه‌كێ ناسنامه‌یا 5 چه‌كدارێن خوه ئاشكه‌ره كر كو 6 سالان به‌رێ كه‌تنه به‌ر ئێریشێن ده‌وله‌تا ترك و ژ نوو ئیرۆ مرنا وان راگهاندی یه.
هه‌په‌گێ باسكێ له‌شكه‌ری یێ په‌كه‌كێ رۆژا شه‌می 1/4/2023 ناسنامه‌یا 5 جوانێن كورد ئاشكه‌ره كر كو ل سالا 2017ێ ل باشوورێ كوردستانێ ب ده‌ستێ ئارتێشا ده‌وله‌تا ترك یا داگیركه‌ر دانه كوشتن و پاش ده‌رباسبوونا 6 سالان ژ نوو ڤه مرنا وان ئیفشا كر.
ناڤێن ڤان جوانان ووسایه:
دۆگووکان بۆزدەمیرژ وانێ.
عه‌زیز تاتل ژ خه‌تایێ.
ئیلهان ئاکدۆگان ژ جۆلەمێرگێ.
رەجەپ ئەسین ژ وانێ.
مەهمەت ئەمین داکمان ژ ئامەد.
په‌كه‌كێ ئه‌ڤ 5 جوانێن كورد وه‌كه ب هه‌زاران رێهه‌ڤالێن وان دانه كوشتن و مرنا وان ب سالانه ل مالباتێن وان ڤه‌شارتی یه.
په‌كه‌كه هه‌ر رۆژ وێنه‌یێن كۆمێن كه‌چ و جوانێن كوردان به‌لاڤ دكه یێن كو د سالێن به‌رێ ده فه‌دا كرین و پاش ده‌رباسبوونا ده‌مه‌ك درێژ ژ نوو ڤه مرنا وان ئیلان دكه، تێ ته‌خمین كرن ب هه‌زاران جوانێن كورد مابن كو هێژان په‌كه‌كێ ناسنامه‌یا وان ئیفشا نه‌كربه.
