تۆرا مافێن مرۆڤان يا کوردستانێ د راپۆرتەکێ دا بنپێکرنێن دژی مافێن مرۆڤان يێن ل رۆژهلاتێ کوردستانێ و ئیرانێ یێن د مەها ئادارێ راگهاندن.
ل گۆری راپۆرتێ، د مەها ئادارێ دا 18 کەس ل رۆژهلاتێ کوردستانێ و ئیرانێ هاتنە بدارڤەکرن كو ئەو کەس ژ باژارێن ئورمیە، سەقز، کرماشان، خورەماڤا، هەمەدان و ئەراکێ نه.
ژ وان کەسان 11 کەس ل گرتیگەها ناڤەندی یا ئورمیێ هاتنە بدارڤەکرن، کو یەک ژ وان گرتیێ سیاسی یێ کورد محیەدین ئیبراهیمی، کۆلبەرێ کو ب ئیدیعایا «چەک ل دژی دەولەتێ هلگرتیە» یه هاتیه بدارڤه‌كرن.
تۆرا مافێن مرۆڤان یا کوردستانێ هەروها دبێژە، ل مەها بووری، دادگەهێن ئیرانێ هەری کێم 5 کەس ب ئیعدامێ مەحکووم کرنه و ل 7 کەسێن دن ژی ژ 8 مەهان هەتا 10 سالان جەزایێ گرتیگەهێ بری یه.
