گرووپێن چەکدارێن ئۆپۆزیسیۆنا سووریێ یێن ب ترکیێ رە هەرێما عه‌فرینێ داگیر کرنە، 4 جوانێن کورد رەڤاندن.
رێخستنا مافێن مرۆفان ل عه‌فرینێ بەلاڤ کر، چەکدارێن گرووپا ب ناڤێ پۆلیسا لەشکەری ژ رۆژا 28ێ ئادارا 2023ان ڤە، 4 جوانێن کورد ل سەر رێبەندا گوندێ حەسەن دێرا یێ ل ناڤچەیا بلبلێ رەڤاندن کو تەمەنێ 2 کەسان ژ وان، د بن 18 سالیێ رەنە.
دیار کر ژی، ئەو هەر 4 جوان ژ ناڤچەیا راجۆنە و بێی کو ت تۆمەتەکێ ئاراستەیی وان بێ کرن، چەکداران ئەو گرتن و برن ناڤەندا لەشکەری یا باژارێ عه‌فرینێ.
رێخستنا مافێن مرۆڤان ناڤێ وان جوانان بەلاڤ کر: خەلیل ئدریس جه‌عفه‌ر22 سالی، شێخۆ لوقمان حەمۆ 26 سالی، شێخۆ فەرهاد حەمۆ 17 سالی و محەمەد لوقمان حەمۆ 16 سالی.
هەرێما عه‌فرینێ ژ ئادارا 2018ان ڤە ژ ئالیێ ئارتێشا ترکیێ و گرووپێن چەکدارێن سەر ب وێ ڤە هاتیە داگیرکرن و هەتا نها زێدەتر ژ 8 هەزار کەسی هاتنە رەڤاندن کو چارەنڤیسا هەژمارەکە مەزن ژ وان نایێ زانین.
