شەش باژارێن دنێن باکورێ کوردستان و ترکیێ ژ بەر زرار و زیانێن ئەردھەژێن 6 سباتێ، وەک دەڤەرێن کارەساتێ ھاتن راگھاندن.
رێڤەبەریا کارەسات و رەوشێن بلەز (ئافاد) رۆژا دوشەمبیێ 3 نیسانا 2023 ب داخویانیەکێ راگھاند کو باژارێن مێردین، ئێلھ، چەولگ، دێرسم، نیگدە و قەیسەری ژ بەر زرارێن کو د ئەردھەژێن 6 سباتێ دا گھشتیە وان وەک دەڤەرێن کارەساتێ ھاتنە راگھاندن.
ئافادێ دیار کر: “پشتی ئەرھەژێن 6 سباتا 2023، ل سەر وان وێرانکاری و جانژدەستدانان، 11 پارێزگەھێن مە و ناڤچەیا گورونا سێوازێ وەکە دەڤەرێن کارەساتا بباندۆر یا ل سەر ژیانا گشتی ھاتن قەبوولکرن.”
ھەروھا ئەشکەرە کر: “وان ئەردھەژان ژ بلی 11 باژاران، باندۆر ل ھندەک باژارێن مەیێن دن ژی کریە و د ئەنجاما کار و خەباتێن دەستنیشانکرنا زراران دا، ھاتیە دەتنیشانکرن ل ھندەک ئاڤاھیێن ل جھێن نشتەجھبوونێ یێن ل پارێزگەھێن، چەولگ، کایسەری، مێردین، دێرسم، نیگدە و ئێلھێ ژی زەرەرێن گران، ناڤەندی یان ژی کێم ھەنە. ژ بەر ڤێ یەکێ ئەو ئاڤاھیێن ل جھێن نشتەجھبوونێ یێن ل پارێزگەھێن ناڤبۆری ژی وەک دەڤەرێن کارەساتا بباندۆرا ل سەر ژیانا گشتی ھاتن قەبوولکرن.”
