ل باژارێ رحایێ 12 کەس ھاتن بنچاڤکرن، یەک ژ کەسێن بنچاڤکری ژی، ھەڤسەرۆکێ رحایێ یێ ھەدەپێ یە.
ل باژارۆکێ ئەییوبیێ یێ سەر ب باژارێ رحایێ ڤە، 12 ئەندام و ئالیگرێن ھەدەپێ کو ل بەر نڤیسنگەھا ھلبژارتنێ یا ھەدەپێ کۆم بووبوون، ب بەهانەیا بنپێکرنا یاسایا جڤین و خوەپێشاندانان ھاتن بنچاڤکرن.
ھات راگھاند ژی، د ناڤا بنچاڤکریان دا، ھەڤسەرۆکێ رحایێ یێ ھەدەپێ ئەحمەد ئاتش ژی ھەیە.
پارێزگەھا رحایێ بریارا قەدەغەکرنا ھەر جورە چالاکی و خوەپێشاندانێن ل ناڤ سینۆرێن پارێزگەھێ ژ رۆژا 1 نیسانێ ھەتا 5ێ نیسانێ دابوو.
