میدل ئیست ئای راگهاند، ترکیێ گەشتێن خوە یێن فرۆکەخانەیا ناڤدەولەتی یا سلێمانیێ ژ بۆ شەرمەزارکرنا پێوەندیێن یەکیتیا نشتمانی یا کوردستانێ (یه‌نه‌كێ) و پارتیا کارکەرێن کوردستانێ (په‌كه‌كێ) راوەستاندنه.
مالپەرا میدل ئیست ئای رۆژا سێشەمبێ 4\4\2023 ل سەر زارێ چەند ژێدەران بەلاڤ کر کو د ناڤبەرا ئیراق و سووریێ دە “پرەکە ئاسمانی” هەیە کو تێ ئیدیعاکرن چەکدارێن په‌كه‌كێ ل سەر داخوازا بافل تالەبانی، هەڤسەرۆکێ یه‌كیتیا نشتیمانی یا کوردستانێ یه‌نه‌كێ تێن ڤه‌گوهه‌ستن و ئه‌شكه‌ره كر ئەڤ رێ پشتی کەتنا دو هەلیکۆپتەرێن مەها بۆری ل ناڤچەیا چەمانکێ یا پارێزگەها دهۆکێ هات ئەشکەرە کرن.
مستافا ژانەر، لێکۆلینەرێ ئەنستیتویا رۆژهلاتا ناڤینا زانینگەها ساکاریا، ژ میدڵ ئیست ئای رە گۆت کو دەلیل هەنە کو په‌كه‌كه سلێمانیێ وەک بنگەهەکە لۆژیستیکی ژ بۆ هێزێن خوە ب کار تینە.
مالپەرێ ل سەر زارێ دو چاڤکانیان بەلاڤ کریە کو سەدەما راستی یا راوەستاندنا گەشتێن ئەسمانی یێن ترکیێ بۆ فرۆکخانەیا سلێمانیێ بەردەوامیا پشتەڤانیا یه‌نه‌كێ بۆ په‌كه‌كێ یە.
رێڤەبرێ راگهاندنێ یێ فرۆکەخانەیا ناڤدەولەتی یا سلێمانیێ دانا محەمەد رۆژا 3\4\2023، ژ کوردستان24ێ رە راگهاند، ئیرۆ ب وان رە هاتیە راگهاندن، کو هەموو گەشتێن ئاسمانی یێن د ناڤبەرا فرۆکەخانەیا سلێمانیێ و ترکیێ دە، ژ ئالیێ ترکیێ ڤە بێی کو چ راڤەکرنەکێ بدن، هاتنە بەتالکرن.
ترکیێ د ناڤبەرا سالێن 2017-2019ان دە چەند جاران سەفەرێن بالافرگەها سلێمانیێ ژ بۆ هەمان سەدەمێ راوەستاندیە.
