بەرپرسێ بەشا نڤیسگەھ و کۆمپانیایێن گەشتیارییا سلێمانیێ ئەتا ئەنوەر راگھاند، گەشتێن ئاسمانی یێن ئالمانیا بۆ سلێمانیێ ھاتنە راوەستاندن.
بەرپرسێ بەشا نڤیسگەھ و کۆمپانیایێن گەشتیاری یا سلێمانیێ ئەتا ئەنوەر ئاشکەرا کر کو سەدەما وێ ئەوە کو ترکیا رێ نادە فرۆکەیێن ئالمانی ل ئاسمانێ سلێمانیێ بفرن.
ئەتا ئەنوەر گۆت ژی، 2 ھێلێن ئاسمانی ژ ئالمانیا بۆ سلێمانیێ ھەنە، یەک ژ وان کۆندۆرە کو ژ دوسسەلدۆرفێ تێ، ئەو ژی ھاتیە راوەستاندن.
ھەر وھا دا زانین، ھێلا دن ژی ئیراق ئاروایسە ژ فرانکفورتێ تێ. نھا کو کۆندۆر راوەستیایە، ئەو پێشبینی دکن کو ئەو ژی راوەستە.
تەڤی ڤێ یەکێ، هەیا نها بەرپرسێن فرۆکەخانەیا سلێمانیێ ت داخویانی ل سەر ڤێ مژارێ نەداینە.
