چەکدارێن پەکەکێ ل سینۆرێ باژارۆکێ سیدەکان پڕانیا وان رێیان کو بەر ب تونەل و شکەفتێن وانڤە دچن بۆمبەکرنە.
چاڤکانیێن تایبەت یێن پێگەها دارکا مازی ئەشکەرە کرن، چەکدارێن پەکەکێ پڕانیا وان رێیان کو بەر ب تونەل و شکەفتێن پەکەکێ ڤە دچن ل سینۆرێ باژارۆکێ سیدەکان بۆمبەکرنە.
چاڤکانیێن مە هەر وەها ئەشکەرە کرن، ل رێیا سەرەکە یا د نێڤبەرا هەر دو گوندێن دێرێ و بۆڵێ یێن سەر ب باژارۆکێ سیدەکانێ چەکدارێن پەکەکێ بۆمبەیەکە مەزن دانیبوو کو مەترسی ل سەر ژیانا ولاتیان چێکربوو، لێ بەلێ، ل رۆژا 23/2/2023ان تیمەکە پسپۆر یا هلگرتنا بۆمبەیان یا سەر ب سازیا مایینان و ئاساییشا سیدەکانێ رابوون ب راکرنا ڤێ بۆمبەیێ.
ئەڤ د دەمەکی دە یە کو ئیرۆ رۆژا پێنجشەمی، ل ناحیا سیدەکانێ یا سەر ب رێڤەبەریا سەربخوەیا سۆرانێ ڤە، بۆمبەیا کو ژ ئالیێ پەکەکێ ڤە ھاتبوو بجیکرن ب ئۆتۆمۆبیلەکا گوندیان دا تەقیا. وەلاتیێن گوند ژ بۆ کۆمکرنا گیایان چوونە وێ ھەرێمێ، د تەقینا بۆمبەیێ دا چ زیانێن جانی نەبوون.
بەری نھا ژی چەکدارێن پەکەکێ ل سەر رێیێن سەرەکەیێن سیدەکان و دەڤەرێن دن بۆمبە ب جھ کربوون و د ئەنجامێ دا زیان گھیشتبوو ھێزێن پێشمەرگە، گوندی و گەشتیاران.
