ئال- مۆنيتۆر: دژه ته‌رۆرا یه‌نه‌كێ جهێ مازلووم عەبدی ژ ترکیێ رە ئەشکەرە كربوو
پێگه‌هه‌كێ ئه‌مەریکی ئه‌و ئالیه ئه‌شكه‌ره كر كو جهێ فەرماندارێ هێزێن سووریەیا دەمۆکراتیک هه‌سه‌دێ باسكێ سه‌ربازی یێ «په‌كه‌كێ» ل رۆژئاڤایێ کوردستانێ مه‌زلووم عەبدی، ب تركیێ دایه.
ل گۆری راپۆرته‌كه پێگه‌ها «ئال- مۆنیتۆرێ»، بەرپرسێن دژه تەرۆرێ یێن یەکیتیا نشتمانیا کوردستانێ «یه‌نه‌كێ» دەربارێ جهێ مه‌زلووم عەبدی دە، ئاگاهی دا نە ترکیێ.
هه‌روه‌ها ئەشکەرە کر کو ئەو ژێدەرێن کو ئەڤ ئاگاهی دانە، په‌یوه‌ندیێن باش ب دەزگەهێن ئیستخباراتێ رە هەنە و دیتنە کو ئەو کەسێن د ناڤا دژه ته‌رۆرا یه‌نه‌كێ ده ئاگاهی دانە ترکیێ، ژ وان کەسانه کو ژ رێبازێن توند یێن بافل تالەبانی نەرازینە.
ل گۆری هەمان راپۆرتێ، ترکیە ژ وێ یەکێ دلگرانە کو بافل تالەبانی خوە وەک دۆستێ په‌كه‌كێ و کۆمێن گرێدایی وێ نیشان دده.
فەرماندارییا ناڤەندی یا ئامەریکی دەرەنگیا ئینیێ گۆت کو سێ کاربدەستێن لەشکەری یێن ئه‌مەریکی ژی د کاروانێ ئۆتۆمۆبیلێن مه‌زلووم عه‌بدی دە بوون. پەنتاگۆنێ گۆت کو ئێریشان «راستەراست ئەولەکاریا پەرسۆنەلێن ئه‌مەریکی تەهدید کر، کو ژ بۆ تێکبرنا داعشێ دخەبتن، لێ دیار نەکر کو کی بەرپرسیارە. کۆبانێ دچوو بالافرگەهێ دا کو ل بالافرەکە ئارتێشا ئه‌مەریکایێ سوار ببە و وی ڤەگەرینە باکورێ رۆژهلاتێ سووریێ». کۆبانێ گۆت کو ئەو ژ بۆ کارێن رووتینی یێن هه‌ڤپه‌یمانیا ناڤده‌وله‌تی یا ب پێشەنگیا ئه‌مەریکا، هاتبوو سلێمانیێ.
