بریارە ئیرۆ شاندەکە پلەبلند يا پارلامەنتۆیا ئيراقێ ژ بۆ لێکۆلینکرنا ئێریشا سەر فرۆکەخانەیا ناڤدەولەتی یا سلێمانیێ، بگهە وی باژاری.
ل گۆری زانیاریان، ئەڤ شاندە ب سەرۆکاتیا سەرۆکێ کۆمیتەیا ئاساییش و بەرەڤانیێ و سەرۆکێ فراکسیۆنا فەتح عه‌باس زاملی دبە دێ لێکۆلینێ ل سەر ئێرشا فرۆکخانەیا سلێمانیێ بکە.
ئەڤ د دەمەکێ دەیە، شێورمەندێ ئاسایشا نشتمانی یا ئيراقێ قاسم ئەل-ئه‌عرەجی رۆژا 8ێ نیسانا 2023ێ ب سەرۆکاتیا شاندەکە بلندا ئەولەهیێ گهیشتبوو سلێمانیێ.
تەڤی کو ترکیێ ب فەرمی بەرپرسیاریا وێ ئێریشێ نەگرتیە سەر خوە، لێ سازیێن ئيراقی ترکیە ب ڤێ ئێریشێ تاوانبار دکن.
رۆژا ئینێ 7ێ نیسانا 2023ان تەقینەک ل نێزیکی فرۆکەخانەیا ناڤدەولەتی یا سلێمانیێ روو دا و د ئەنجامێ دە ئاگر ب دەردۆرا فرۆکەخانەیێ کەت. پشتی بوویەرێ هات راگهاندن کو ئێریش ب ریا درۆنێ هاتیە کرن. پشتی بوویەرێ ژی ئەشکەرەکرن کو ئێریش ل دژی فەرماندارێ گشتییێ هێزێن سووریەیا دەمۆکراتیک (هه‌سه‌دێ) مازلووم ئەبدی هاتیە کرن و ئەو ژ هەولەکە کوشتنێ رزگار بوویە.
د دەستپێکێ دە هه‌سه‌دێ رەد کر کو مه‌زلووم عەبدی د دەما ئێریشێ دە ل سلێمانیێ بوو، لێ پشترە گۆت وان زانیاریێن نەراست بەلاڤ کرنە دا کو وی بپارێزن، پشترە ژی تەکەز کر کو ئەو د دەما ئێرشێ دە ل فرۆکەخانەیا سلێمانیێ بوو.
