رێخستنا په‌كه‌كێ، ئیرۆ ناسنامه‌یا 5 چه‌كدارێن خوه یه‌ك ژێ زارۆك ئه‌شكه‌ره كر كو 6 سالان به‌رێ ل باشوورێ كوردستانێ دانه كوشتن و ژ نوو ئیرۆ مرنا وان راگهاند.
هه‌په‌گێ باسكێ له‌شكه‌ری یێ په‌كه‌كێ، ئیرۆ رۆژا دوشه‌می 10\4\2023 ناسنامه‌یا كۆمه‌كا دن یا چه‌كدارێن خوه ئه‌شكه‌ره كر كو ل سالا 2017ێ ل باشوورێ كوردستانێ، د به‌رخوه‌دانا ساخته ده ب ده‌ستێ ئارتێشا ده‌وله‌تا ترك دانه كوشتن و پاش ده‌رباسبوونا 6 سالان ژ نوو ئیرۆ هاتیه مرن وان راگهاندیه.
یه‌ك ژ وان چه‌كدارێن ئیرۆ په‌كه‌كێ ناسنامه‌یا وان ئیفشا كری، ب ناڤێ ئیبراهیم ئاڤجی یه كو هێژان د ته‌مه‌نا زارۆكتییا خوه ده یه و هه‌ری زێده دبه ته‌مه‌نا وی 13 سال به، ئه‌و ژ شرنه‌خا باكورێ كوردستانێ یه، په‌كه‌كێ ئه‌و خاپاند و كێشی چیا كر و به‌رێ وی دان مرنێ، ئیرۆ ژی هاتیه د په‌سنێ وی ده دبێژه ئه‌و ئاپۆیی بوو و لایقی ئاپۆ ده‌ركه‌ت!.
هه‌په‌گێ تام ئاگاهی ده‌ربارێ ڤان چه‌كدارێن خوه پارڤه‌كرنه و ت ئاماژه ب ته‌مه‌نا وان نه‌كریه ژ بۆ كو ته‌وانا ره‌ڤاندنا زارۆكێن كوردان ل سه‌ر رێخستنێ ته‌سبیت نه‌به.
