ل دێرازۆرێ ژ بەر تەقینا مینەکێ 12 کەس بوون قوربانی

ل دێرازۆرێ ژ بەر تەقینا مینەکێ 12 کەس بوون قوربانی

 ژ بەر تەقینا بۆمبەیەکی ژ پاشمایێن داعشێ، 12 کەسێن ل دومبەلانان دگەرن ل بەیابانا دێرازۆرێ بوون قوربانی.

رەوانگەھا سووری یا مافێن مرۆڤان بەلاڤ کر، دوھی ل بەیابانا دێرازۆرێ بۆمبەیەک ب ئۆتۆمۆبیلا کەسێن کو دومبەلانان دگەرن دە تەقیا و د ئەنجامێ دە 9 کەسان جانێ خوە ژ دەست دان و 3 کەسێن دن ژی بریندار بوون.

ب ڤی ئاوایی، ھەژمارا قوربانیێن سڤیل کو ژ دەستپێکا ئیسال ڤە د ئەنجاما تەقینا مین و بۆمبەیان دە جانێ خوە ژ دەست دانە، گھیشتیە 139 کەسان، د ناڤ وان دە 9 ژن و 20 زارۆک ھەنە. ھەر وھا 183 کەس بریندار بوونە، د ناڤا وان دا ژی 4 ژن و 41 زارۆک ھەنە.

بەشەک ژ خەلکێ پارێزگەھێن دێرازۆر، رەقا، حومس و حەمایێ ژی ب کۆمکرنا ڤێ کوڤارکێ، دبارا ژیانا خوە دکن. بھایێ کیلۆیا دومبەلانان، ل گۆری کوالیتە، مەزناھی و تاما وان، د ناڤبەرا 15 و 70 ھەزار لیرەیان دایە.

پوستێن ھەمان بەش