چه‌ته‌یێن په‌كه‌كێ یێن ب ناڤێ جوانێن شۆره‌شگه‌ر ل سه‌ر ره‌ڤاندنا زارۆكان به‌رده‌وامه، هه‌ری داوی كه‌چه‌كا 15 سالی ژ ده‌ریێ ئینستیۆیا مۆزیكێ ره‌ڤاندن و برن جیهه‌كێ نه‌دیار.
رێخستنا جوانێن شۆره‌شگه‌ر كو باسكێ په‌كه‌كێ یێ ره‌ڤاندنا زارۆكێن كوردان ل رۆژئاڤا كوردستانێ، كه‌چه‌كا 15 سالی یا ب ناڤێ ئه‌سیل محه‌مه‌د ره‌ڤاند و برنه جیهه‌كێ نه‌دیار، داییكا ئه‌سیلێ ژی بانگ ل ئالیێن ئه‌له‌قدار دكه كو كه‌چا وێ ژ بۆی وێ ڤه‌گه‌رینن.
جوانێن شۆره‌شگه‌ر ئه‌سیل ل داوییا ئادارا ئیسال 2023ێ ب ناڤێ ده‌ورا مۆزیكێ خاپاندن و پشتره ئه‌و ره‌ڤاندنه و 17 رۆژه چاره‌نووسا وێ نه‌دیاره.
داییكا وێ ته‌ڤی كو سه‌رلێدان بۆ بنكه‌یێن جوانێن شۆره‌شگه‌ر یێن ل ره‌ققایێ كریه لێبه‌لێ ئه‌و ئاماده نه‌بوون ت ئاگاهییان ده‌ربارێ وێ بدن.
جوانێن شۆره‌شگه‌ر كه‌چا من یا نه‌خوه‌ش برن
ئه‌سیل محه‌مه‌د ب ئەسلێ خوە ژ عەفرینێ یا رۆژئاڤایێ کوردستانێ یە، كۆچبه‌ری رەقایێ ببوو و ل ور ژ هێلا جوانێن شۆرەگەر ڤە هاتیە برن، دایکا کەچکێ ژی داخوازا ڤەگەراندکا کەچا خوە دکە و دبێژە «پرسگرێکێن دەروونی یێن مەزنێن کەچا من هەنە، جوانێن شۆرەشگەر کەچا منا نەخوەش برن».
کەچا ب ناڤێ ئەسیل محەمەد حاجی یا 15 سالی کو ژ گوندێ مەریەمین یێ عەفرینێ یە، ل باژارێ رەقایێ لگەل مالباتا خوە دژی، ئەڤ 17 رۆژن وەندایە، داییکا وێ دبێژە جوانێن شۆرەشگەر کەچا وێ برنە.
