ھات زانین ئەڤ 8 رۆژن دو ھەموەلاتیێن خەلکێ شێلادزێ، پشتی کو خوەستن بچن چیایەکی ناڤچەیێ بێسەرووشوون بوونە.
ل گۆر زانیاریان ئەڤ 8 رۆژن 2 ھەموەلاتیێن کو یەک ژ وان خەلکێ گوندێ سیتە یە و یێ دن ژی خەلکێ گوندێ شاجا یا سەر ب دەڤەرا رێکانن و روونشتڤانێن سیریێ یا سەر ب ناحیەیا شێلادزێ نە و 8 رۆژان بەری نھا چوونە چیایەکی ناڤچەیێ و ھەتا نھا چارەنڤیسا وان نەدیارە و بێسەرووشوون بوونە.
ھێژایی گۆتنێیە کو چیایێن ناڤچەیا شێلادزێ و سینۆرێ وێ ناحیەیێ ژ بەر ھەبوونا بنکەیێن پەکەکێ رۆژانە ژ ئالیێ بالەفرێن ترکیێ ڤە تێن بۆمبەباران کرن و ھەتا نھا دیار نینە ئەو دو کەسە ژیان دکن یان نا، یان بوونە قوربانیێ شەرێ ناڤبەرا پەکەکێ و ترکیێ.
