سەرۆککۆمارێ ترکیێ ، د وەشانا هاڤپارا زیندی یا دو تەلەڤیزیۆنێن ترکی دا بەرسڤا پرسێن رۆژنامەڤانان یێن دەربارێ رۆژەڤێ دا وگۆت: «د فه‌رهه‌نگا وان ده تونه كو رۆژه‌كێ ئۆجالان یان ده‌میرتاش بێن ئازاد كرن».
رەجەپ تاییپ ئەردۆگان، ل سەر پرسا «مومكنه ژ بۆ ئۆجالان ئازادی هه‌بیت»؟، گۆت: «ئەگەر هوون ڤێ وەکی ئاک پارتی ژ مە دپرسن، تشتەکی وه‌ها نابیت، لێ هەگەر هوون ژ ئۆپۆزسیۆنا سەرەکی بپرسن، ئۆپۆزسیۆنێ ئه‌ڤ یه‌ك ئاشكه‌ره كریه و گۆتییه كو دبیت کو هه‌بیت».
ئەردۆگان هەروه‌ها گۆت کو ئۆپۆزسیۆنێ ئەشکەرە کریە کو دێ هەڤسەرۆکێ بەرێ یێ هه‌ده‌پێ سه‌لاحه‌ددین دەمیرتاش ژی ئازاد بکه‌ن.
ئەردۆگان پارتیا دەمۆکراتیکا گەلان هه‌ده‌په وەکە شاخا په‌كه‌كێ ل په‌رله‌مانێ ترکیێ پێناسە کر و گۆت: «ئەم ژ بەرێ ڤه دبێژن کو هه‌ده‌په شاخا رێخستنا تەرۆرێ یا ل په‌رله‌مانێ و هه‌ده‌په، په‌كه‌كه یه».
د مژارا هلبژارتنان ده ئەردۆگان ماسەیا 6 ئالی یا هه‌ڤه‌په‌یمانیا میلله‌ت ره‌خنه كر و گۆت: «یەک ب یەک دەردکەڤن هۆلێ سۆزان ددن هه‌ده‌پێ ئانكو په‌كه‌كێ، ئه‌ڤ سۆز ل پشت ده‌ریێن گرتی هاتنه دایین و ده‌نگ ژ وێ ماسه‌یێ ده‌رنه‌كه‌تی یه».
