د نێڤبەرا پەکەکێ و بنەمالەیەکا پشدەرێ دە ئالۆزی دەرکەت

د نێڤبەرا پەکەکێ و بنەمالەیەکا پشدەرێ دە ئالۆزی دەرکەت

د نێڤبەرا ئاساییشا پەکەکێ و بنەمالەیەکا دیارا ل گوندەکی سەر ب پشدەرێ ناکۆکی دەرکەتن و گهایە ئاستەکی چەک ل هەڤدو راکرنە.

چاڤکانیێن پێگەها «دارکا مازی» ئەشکەرە کرن، ل رۆژا 27/2/2023، بەرپرسێ ئاساییسا پەکەکێ ل گوندێن سەر ب باژارۆکێ ژاراوە و دەردۆرێن وێ ل پشدەرێ یێ ب ناڤێ “هەڤال مەزلووم”، ب چەکێ نیشانەشکێن گولـلە بەردانە یەک ژ خوەدیێن ئاژەلان ل وێ دەڤەرێ کو نیشتەجیێ گوندێ مارەدوو یێ سەر ب باژارۆکێ ژاراوەیێ پشدەرێ یە و ب ڤێ سەدەمێ ئالۆزی دەرکەتنە.

چاڤکانیێن «دارکا مازی» هەر وەها ئەشکەرە کرن، چ زەرەر و زیانەکە جانی چێنەبوویە، لێ بەلێ پشتی ڤێ بوویەرێ ئەڤ مژار بوویە پرسگرێکەک جددی د نێڤبەرا بنەمالەیا کەسێ تەقە لێ هاتیە کرن و ئاسایشا پەکەکێ دە.

ل گۆر ئاگاهیێن تایبەت یێن پێگەها «دارکا مازی»، بەرپرسێ ئاسایشا پەکەکێ ل وێ هەرێمێ چەندین جاران داخوازا باجا ئاژەلان ژ ڤی ولاتیێ باشوورێ کوردستانێ کریە و ئەو رازی نەبوویە باجێ ب پەکەکێ بدە، لۆما پشتی ئەڤ بەرپرسێ پەکەکێ تێ بێ هێڤی کرن ژ ستەندنا باجێ، پشتی دەمەکی ژ بۆی ترساندنا خوەدیێ ئاژەلان ئەو هاتیە گولـلەبارانکرن، مالباتا وی ژی داخوازا سزادانا بەرپرسێ ئاساییشێ دکن، لێ بەلێ هەیا نها پەکەکە بێدەنگ مایە و ئەڤ بەرپرسێ خوە سزا نەدایە و وی دپارێزە.

ئەڤ نە یەکەم جارە بوویەرێن ب ڤی ئاوا ل سینۆرێ پشدەرێ روو ددن، پێش نها ژی ل رۆژا 24/6/2021 ژ بەر کو چەکدارێن پەکەکێ ب ئاوایەکی نە یاسایی داخوازا باج و گومرکا ئاژەلان ژ یەک ژ شێنیێن گوندێ شێنێ یێ سەر ب پشدەرێ کربوو و وی ژی رەد کربوو باجێ ب پەکەکێ بدە شەر دەرکەتبوو، ژ بەر ڤێ سەدەمێ چەکدارێن پەکەکێ ولاتیێ ب ناڤێ “فەقێ حەمەد ئیسماعیل” شێنیێ گوندی زەڵێ-ی سەر بە ناحیەیا هەڵشۆ گولـلەباران کربوو و ب گرانی بریندار کربوو.

پوستێن ھەمان بەش