ل نێزیکی ھەولێرێ درۆنەک کەت خوارێ

ل نێزیکی ھێزێن پێشمەرگەیێن ل زوورگەزراڤا ل سینۆرێ پارێزگەھا ھەولێرێ درۆنەکە نەناس کەت خوارێ.

ئیرۆ 17/4/2023 چاڤکانیەکی د ناڤ ھێزێن پێشمەرگەیێن ل سینۆرێ زوورگەزراڤا ئەنیا 5 راگەھاند: “شەڤا بۆری درۆنەک ل ناڤچەیا زوورگەزراڤ ل سەر ئەسمانێن ناڤچەیێ گەریایە و ھێزێن پێشمەرگە ژی چاڤدێریا وێ کرن و ھەر د وێ دەمێ دە کەتیە خوارێ. “

ھەرواھا گۆت، مە دووڤچوون ل سەر وێ درۆنێ کریە و نەیا ھێزێن ھەڤپەیمانە و ژ ئالیێ ھێزێن دژەتەرۆرا کوردستانێ ڤە ھاتیە راکرن و لێکۆلین ل سەر دەستپێ کریە. لێ ھەتا نھا رۆنی نەبوویە ئەو درۆنا کیژان وەلاتییە.

کەتنا وێ درۆنێ چ زیانەک جانی و مادی ل دوو خوە نەئانیە.