هێزێن ئەولەکاریێ یێن ئیراقێ، رۆژا یەکشەمێ، تۆرەکە پسپۆر د سەختەکرنا ناسنامه‌یێن ئیراقی دە ژ بۆ بەرژەوەندییا ئەندامێن په‌كه‌كێ گرتن.
وه‌زاره‌تا ناڤخوه یا ئیراقێ ئه‌شكه‌ره كر، تۆره‌كه پسپۆر كو كارمه‌ندێن رێڤه‌به‌رییا نفووسا شه‌نگالێ نه، ناسنامه‌یێن ئیراقی یێن ساخته ژ بۆی چه‌كدار و كادرۆیێن په‌كه‌كێ چێدكرن، هاتنه ده‌سته‌سه‌ر كرن.
ل گۆری به‌رپرسێن ئیراقی ئه‌ڤ تۆر ژ 6 کارمەندێن وەزارەتا ناڤخوە یا رێڤەبەریا نفووسا باژارێ شنگالێ پێک تێ و هه‌موو ئالیگر و هه‌ڤسۆزێن په‌كه‌كێ نه.
ده‌ست نیشان كر، وێ تۆرێ سۆره‌ت و ئاگاهیێن ئێزدیێن كو مرنه یان ژی چوونه ده‌رڤه‌ی وه‌لات ب كارتینان و ل جیهێ سوره‌تێن وان، سوره‌تێن چه‌كدارێن په‌كه‌كێ ل ناسنامه‌یان دخستن.
تۆرا كو هاتیه ده‌سته‌سه‌ر كرن، ناسنامه‌یێن ساخته چێدكرن، ژ بۆ كو چه‌كدارێن په‌كه‌كێ بكارن ب وان ناسنامه‌یان د خالێن پشکنینێ و کۆنترۆلێ یێن ئەولەهیێ د ناڤبەرا باژارێن جودا دە، دەرباس ببن.
دادگەها دویه‌مین یا ئەولەکاریا ناڤخوەیی یا مووسلێ لێکۆلینێ ل سەر وان کەسێن کو د وێ دۆسیەیێ دە هەنە، دکە و هەتا نها چار ژێ هاتنه ده‌سته‌سه‌ر كرن و راگهاند، هنه‌ك ژ وان ره‌ڤیانه هه‌رێمێن هه‌سه‌دێ ل یێن ل رۆژئاڤا كوردستانێ.
