ته‌ڤگه‌را «جوانێن شۆره‌شگه‌ر» یه‌ك ژ باسكێن په‌كه‌كێ و رێڤه‌به‌رییا خوه‌سه‌ر ل رۆژئاڤا كوردستانێ، دو زارۆكێن دن یێن 13 سالی ره‌ڤاندن و برن جیهه‌كێ نه‌دیار.
ته‌ڤگه‌را «جوانێن شۆره‌شگه‌ر» كو راسته‌راست ب فه‌رمانا قه‌ندیلێ و شه‌خسێ جه‌میل باییك كارێ ره‌ڤاندنا زارۆكان و ئیشكه‌نجه‌یا كه‌سێن وه‌لاتپارێز و ئێریشا سه‌ر باره‌گه‌هێن پارتیێن كوردستانی دكه، ل رۆژێن رابووری، دو زارۆكێن 13 سالی ژ منبجێ و حه‌سه‌كێ ره‌ڤاندنه و چاره‌نووسا وان نایێ زانین.
ناڤێن وان ووسایه:
1. محه‌مه‌د نۆر ئیراهیم.
ته‌مه‌ن 13 سال.
ژ منبجێ هاتیه ره‌ڤاندن.
2. ئه‌مجه‌د عه‌بدولره‌زاق ته‌ها.
ته‌مه‌ن 13 سال.
ژ حه‌سه‌كێ ل 21/4/2023 هاتیه ره‌ڤاندن.
مالباتێن محه‌مه‌د و ئه‌مجه‌د ژ بۆ كو چاره‌نووسا ژ زارۆكێن خوه بزانن، سه‌ردانا بنكه‌یێن په‌یه‌دێ، رێڤه‌به‌رییا خوه‌سه‌ر و هه‌سه‌دێ كرنه، لێ ت ئاگاهییه‌ك ژ وان نه‌گرتن.
په‌كه‌كه و باسكێن وی یێن رۆژئاڤا كوردستانێ، بەردەوامن ل سەر لەشکەرکرنا زارۆکێن تەمەن بچووک و شاندنا وان ژ بۆ کامپێن لەشکەرکرنێ ل دەڤەرێن د بن دەستێ وان دە، تەڤی کو رێڤه‌به‌رییا خوه‌سه‌ر و هه‌سه‌دێ گەلەک سۆز دانە كوالیسیۆنا ناڤدەولەتی كو سینۆره‌كی ژ بۆی ڤێ ره‌وشێ ده‌ینن.
