پەکەکە تەڤگەرەکە کو یەکدەستداریا مەزن ل سەر مرن و ژیانا خەباتکارێن خوە داتینە و دخوازە ژ مرن و ژییانا وان مفا وەربگرە. ئەندامێن پەکەکێ ژ مافێن شەخسی و جڤاکی بێپارن و ب وان دانە باوەرکرن کو ژ رێخستێنێ رە وەکە ملک خزمەت کرن، ژییانە. مالباتێن چەکدارێن کو تەمەنێ وان د ناڤبەرا 12 و 16 سالی دە تەڤلی پەکەکێ بوونە ژی تێکلیا وان یێن مالباتی ھاتنە قەدەغە کرن. ئەو مالباتێن کو دخوازن رەوشا زارۆکێن خوە ھین ببن و ھەول ددن کو ب زارۆکێن خوە رە تێکلی داینن، ژ ئالیێ پەکەکێ ڤە وەکە خایین تێن دەستنیشان کرن.
پەکەکە ڤان چەکدارێن خوە وەکە ملکێ خوە دبینە و تەسەرووفێ ل سەر مرنا وان ژی دکە. ژییاندەستدانا وان ھەم ژ مالبات و ھەم ژی ژ جڤاکێ ڤەدشێرە. ھەکە بکاربە ژ مرنا وی سوود وەربگرە وان مرنا وان ئەشکەرا دکە. ئانکو ژ بۆ ئاشکەراکرنا ونداھییان چ مەبدەئەکی ئەخلاقی و وژدانی نینە.
پەکەکە ب تایبەتی ژ سالا 2012 و ڤر ڤە پرانیا ونداھیێن خوە ڤەدشێرە. ل گۆری ئاگاھیێن لایانێن نێزی پەکەکێ دانە مە؛ پەکەکە ژ بۆ وان جەنازەیێن کەتنە دەستە دژمنی مەجبوور دمینە کو ناسنامەیا وان راگەھینە. لێ یێن ونداھییێن دن ل گۆری بەرژەوەندییێن رێخستنا خوە وەکە ئاموورێ پرۆپاگاندایێ بکار تینە. پەکەکێ ھێژ ناڤێ دامزەرنێرێ خوە «عەلی حەیدەر قەیتان» ژی ئەشکەرە نەکرییە. ئەم باش دزانین کو پەکەکێ کوشتنا گەلەک کادر و رێڤەبەرێن خوەیێن ژن و مێر د ڤەشێرە و ھێژ ژی ناڤێن وان ئاشکەرە نەکرنە.
پەکەکە؛ ژ سەرێ نیسانێ و ڤر ڤە ھەر رۆژ ونداھیێن خوە رادگھینە
لێ بەلێ ھەپەگێ د ناڤا 20 رۆژێن داوی دە ھەما ھەما ھەر رۆژ ھەری کێم ناڤێ 3 شەرڤانێن بەرێ ژیانا خوە ژ دەست دانە رادگەھینە. پرانییا ئەو ناڤێن تێنە راگەھاندن ژی یێن وان گەریلایانە یێن کو سالا 2016-2017 ژییانا خوە ژ دەست دا نە.
وەکە میناک ئەم ببێژین؛ د 14 نیسانێ دە ھات راگھاندن کو گەریلایێن ب ناڤێ کۆد دلشاد، قەھرەمان، عەگید، ئاگر، نومان و جی گیڤارا د سالا 2017 دە ژیانا خوە ژ دەست دایە. ل گۆری داخویانیا ھەپەگێ، دەربارێ جھێ ژییانا خوە ژ دەست دانە، ت ئاگاھی نەھاتنە دایین. وە دییارە کو ھەر یەک ژ وان ل دەڤەرێن جوودا ژیانا خوە ژ دەست دانە. د داخویانیێ دە ھات دیارکرن کو ئەڤ 6 ونداھیێن گەریلا ل قادێن “پاراستنا مەدیایێ” پێک ھاتنە. ئانکو ل وان دەڤەرێن کو پەکەکە و ھەپەگە ھەر رۆژ ب ھێسانی دکارن خوە بگھینن وان جهێن گەریلا جانێ خوە ژ دەست دایی. لێ بەلێ بۆچی پشتی 6 سالان ژ نوو ئەڤ ونداھی تێن راگەھاندن.
