هه‌ژماره‌كه جوانێن كورد یێن كو 4 سالان به‌رێ د شه‌رێ ساخته یێ په‌كه‌كێ و تركیێ ده ل چیایێ مه‌تینی، ژیانا خوه ژ ده‌ست دا نه، ژ نوو ئه‌شكه‌ره بوون.
ب هه‌زاران زارۆكێن كوردان یێن كو ژ سالا 2016ێ ڤه د ناڤا په‌كه‌كێ ده هاتنه كوشتن و مرنا وان نه‌هاتیه راگهاندن مانه، په‌كه‌كه هه‌ر رۆژ وێنه‌یێن كۆمێن وان ل مه‌دیایا خوه پارڤه‌دكه و ل سه‌ر د نڤیسینه مه هه‌ڤالێن خوه فه‌دایێن ئاپۆ وه‌ندا كرن.
په‌كه‌كێ دوهـ رۆژا چارشه‌می 26/4/2023 وێنه و ناسنامه‌یێن 5 گه‌ریلایان 4 ژێ زارۆك ئه‌شكه‌ره كرن كو ل 26 نیسانا 2019ان ل چیایێ مه‌تینی یێ هه‌رێما كوردستانێ ژیانا خوه ژ ده‌ست دا نه، په‌كه‌كێ مرنا وان 4 سالان ڤه‌شارتبوو و ژ نوو ڤه هاتیه پرۆباگاندایێ ب وان دكه.
ناڤێن وان ئه‌ڤن:
جه‌نگیز كینا ژ جۆله‌مێرگێ.
ره‌سوول كوورت ژ مێردینێ.
جیهاد به‌ل ژ ئه‌رزه‌روومێ.
بوورهان ئه‌مره ژ جۆله‌مێرگێ.
جه‌میل سویله‌مه‌ز ژ ئێله‌هێ.
په‌كه‌كه زارۆكێن كوردان د ره‌ڤینه، به‌رێ وان دده مرنێ و مرنا وان ڤه‌دشێره، هه‌ر وه‌ختا رێخستنێ پێویستی پێ بوو، تێ و سوودێ ژ ڤێ مرنێ ب ده‌ست تێخه و پرۆباگاندایێ ب وان دكه، جارا ژی ئه‌وقاس ب بێ شه‌رمی دبێژه ئه‌و فه‌دایێن ئاپۆ بوون ئه‌وان ئیسپات كر كو لاییقی ئاپۆ ده‌ركه‌تن، ل جه‌م په‌كه‌كێ پێویسته جوانێن كوردان بمرن ژ بۆ كو لاییقی زلامێ ئیمرالیێ ده‌ركه‌ڤن.
