تۆرا چاڤدێریا مافێن مرۆڤان یا سووریێ تەکەز کر کو ھێزێن سووریا دەمۆکراتیک هێژان بنپێکرنێن خوەیێن ل دژی سڤیل و زارۆکان ل دەڤەرێن ژێر کۆنترۆلا خوە بەردەوام دکە، و زارۆکان دگرە و دهاڤێژە کامپێن چەکدارکرنا زارۆکان دە.
هەر وەها راگهاند ژی، “ئەڤ بنپێکرن د ڤان دەمێن داوی دە زێدە بوونە ژ بەر کو چ لێپرسین ل گەل ڤان میلیشیایان نایێ کرن، لۆما دیاردەیا رەڤاندن و لەشکەرکرنا زارۆکان ل سەر دەستێن جوانێن شۆرەشگەر یێن سەر ب ھێزێن سووریەیا دەمۆکراتیک زێدە بوویە.”
تۆرا چاڤدێریێ یا مافێن مرۆڤان ل سووریێ بانگ ل یونیسێف، جڤاکا ناڤدەولەتی و رێخستنێن ناڤدەولەتی کر کو بەرپرسیاریێن خوە ل ھەمبەر زارۆکان ھلگرن و زەختێ ل ھێزێن سووریا دەمۆکراتیک بکن دا کو بنپێکرنێن خوە و رەڤاندنا زارۆکان راوەستینە، ھەموو زارۆکان ڤەگەرینە مالباتێن وان، و لێپرسینێ ب بەرپرسیارێن ڤان کاران بکن و وان دەرخینن پێشبەری عەدالەتێ.
ھێژایی گۆتنێیە کو پەکەکە و شاخا وێ یا رۆژئاڤا کوردستانێ ب سەدان زارۆکێن کوردێن تەمەنێ وان د ناڤبەرا 12-16 سالی دە رەڤاندنە ژ بۆ کو وان د شەرێن پووچ و بەرخوەدانێن سەختە دە ب کار بینە، ئەڤ پارتیە ب مفا وەرگرتن ژ شەرت و مەرجێن جڤاکی و دەستکورتیا مالباتێن وان زارۆکان دخاپینە و بەردەوام ب کارێ رەڤاندنا وان رادبە، ئەڤ کریارە مەترسیەک مەزن ل سەر پاشەرۆژا جڤاکا کورد ب گشتی چێدکە.
