وەلاتیێن ل شنگالێ ل دژی ڤەگەرا 25 مالباتێن عەرەب بۆ ناڤچەیا شنگالێ، خوەپێشاندان کرن.
پشتی بریارا وەزارەتا کۆچ و کۆچبەران یا ئیراقێ و رێخستنا کۆچێ یا ناڤدەولەتی ژ بۆ ڤەگەراندنا 25 مالباتێن عەرەب بۆ سینۆرێ ناڤچەیا شنگالێ، ب دەھان وەلاتیێن ل شنگالێ ل دژی ڤێ پێنگاڤێ داکەتن جادەیان.
د دەمەکێ دە کو ھێزەکە ئەولەھیێ یا ئیراقی یاوەریا وان 25 مالباتان دکر، خوەپێشاندەران ژ ئالیێن پێوەندیدار داخواز کرن کو ئەڤ بریارە بهێت بەتالکرن، ژ بەر کو ل گۆر گۆتنا وان، پرانیا وان مالباتان ئەون کو د دەما ئێریشا داعشێ بۆ سەر دەڤەرا وان دە، ئالیکاریا چەکدارێن وێ رێخستنێ کرنە.
