نه جارا یه‌كه‌مه په‌كه‌كه ئێزدیێن شه‌نگالێ ژ بۆی به‌رژه‌وه‌ندییا خوه ب كار تینه، ته‌ڤی كو شه‌نگال ژ ده‌ما داعشێ و هه‌یا رۆژا مه یا ئیرۆ كاڤل و وێران مایه، ب سه‌ده‌ما په‌كه‌كێ هه‌ر رۆژ بالافرێن ده‌وله‌تا ترك شه‌نگالێ بۆردۆمان دكن و گه‌لێ ئێزدی تێ قه‌تل كرن.
په‌كه‌كێ ل به‌ر چاڤێ ئێزدییان شه‌نگال ژ كوردستانێ قوت كر و كریه وارێ ملیسێن «حزبوللاهـ، نوجه‌با و عه‌سائیب ئه‌هلولحه‌ق» و ئه‌ڤ بوویه سه‌ده‌م كو 80% یا گه‌لێ ره‌سه‌ن یێ شه‌نگالێ د ئاواره‌یێ و كامپان ده بمینن.
حكوومه‌تا باشوورێ كوردستانێ و حكوومه‌تا فه‌ده‌رال یا ئیراقێ ل ئوكتۆبه‌را 2020ێ په‌یمانا شه‌نگالێ ئیمزه كر و ل گۆری وێ شه‌نگال وێ وه‌ره ئاڤه‌دانكرن و هه‌موو ئاواره‌یێن ئێزدی وێ ڤه‌گه‌رن وارێ خوه و په‌كه‌كه وێ ژ شه‌نگالێ وه‌ره ده‌رخستن و ل جیهێ وان هێزه‌كه ئه‌وله‌هیێ ژ جوانێن ئێزدییان وێ ئه‌وله‌هییا شه‌نگالێ بپارێزه، لێ به‌لێ په‌كه‌كێ نه‌هشت ئه‌ڤ په‌یمان وه‌ره جیبجی كرن.
