ژ بۆی دەستەسەرکرنا 49 کەسان ل ترکیێ و باکورێ کوردستانێ ئۆپەراسیۆن هاتن ئەنجامدان

ژ بۆی دەستەسەرکرنا 49 کەسان ل ترکیێ و باکورێ کوردستانێ ئۆپەراسیۆن هاتن ئەنجامدان

 شەڤا بۆری ل 15 باژارێن باکورێ کوردستانێ و ترکیێ، ئۆپەراسیۆنێن دەستەسەرکرنێ ھاتنە لدارخستن.

ل گۆر زانیاریێن دەستپێکێ، ل 15 باژارێن ترکیێ و باکورێ کوردستانێ شەڤا 29 نیسانێ دە، ژ ئالیێ ھێزێن ئەولەھیا ترک ڤە، ئۆپەراسیۆنێن سەرداگرتنا مال و ئاڤاھیان  ھاتنە لدارخستن و خەباتکار و رێڤەبرێن، ئاژانسا مەزۆپۆتامیایێ، ئەندام و رێڤەبرێن کۆمەلەیا دیجلە-فەراتێ یا رۆژنامەڤانان و خەباتکارێن ژن نیوسێ ژی د ناڤدە گەلەک کەس ھاتنە دەستەسەرکرن.

ژ ئالیێ دۆزگەریا کۆماری یا ترکیێ ڤە ژی ھاتیە داخویاندن کو “د دەرھەقێ 49 کەسان دە، ژ بەر پشتگری و ئالیکاریا پەکەکێ/کەجەکێ کرنە، 5 کەس ژی ژ بەر پشتگریا فەتۆیێ کرنە”، بریارا دەستەسەرکرنێ ھاتیە دایین و ب ڤێ ھێنجەتێ ژی ل 15 باژاران ئۆپەراسیۆنێن دەستەسەرکرنێ ھاتنە لدارخستن. دیسا ھاتیە راگھاندن کو دەستەسەرکرن و لێپرسینا وان کەسان بەردەوام دکە.

پارتیا چەپا کەسک (یەسەپە) ژی ب داخویانیەکێ ئۆپەراسیۆن شەرمەزار کر و د داخویانیێ دە، ئەو ئۆپەراسیۆنێن تێن کرن وەک ئۆپەراسیۆنێن کۆمکوژیا سیاسی پێناسە کرن.

د 25 و 26 نیسانێ دە ژی، پارێزەر، ھونەرمەند، رۆژنامەڤان، ئەندام و رێڤەبرێن سازیان ژی د ناڤ دە د دەرھەقێ 216 کەسان دە، بریارا دەستەسەرکرنێ ھاتبوو دایین و د ئەنجاما ئۆپەراسیۆنێن ل مالان ھاتبوون کرن دە 128 کەس ھاتبوون دەستەسەرکرن و د دەرھەقێ 39 کەسان دە ژی برایارا گرتنێ ھاتبوو دایین.

پوستێن ھەمان بەش