به‌رپرسێ ئیستخباراتا په‌كه‌كێ ل كۆبانێ یا رۆژئاڤا كوردستانێ، د ئێریشه‌كه میتێ ده هات كوشتن، په‌كه‌كێ ژی مرنا وی پشتراست كری یه.
د ئێریشه‌كێ ده كو ب بالافرێن كه‌شفێ ل 25/4/2023ێ پێكهاتبوو، ئۆتۆمۆبیله‌ك ل گونده‌وارێ كۆبانێ هاتبوو ئارمانج گرتن، كو كادرۆیه‌كێ په‌كه‌كێ تێ ده بوو و هات كوشتن، هێزێن سووریه‌یا ده‌مۆكراتیك پاش ده‌رباسبوونا 24 ساعه‌تان ئیلان كر كو شه‌رڤانه‌كی وان یێ ب ناڤێ سابری ئه‌حمه‌د عه‌بدوللا د ئێریشێ ده هاتیه كوشتن.
دوهـ رۆژا یه‌كشه‌می 30/4/2023ێ ئاژانسا ئه‌نادۆلو یا ده‌وله‌تا ترك ده‌ربارێ ئێریشێ ئاگاهی دان و ئه‌شكه‌ره كر كو كه‌سێ هاتیه كوشتن به‌رپرسێ ئیستخباراتا په‌كه‌كێ یه‌په‌گێ یه ل كۆبانێ و ناڤێ وی سابری ئه‌حمه‌د عه‌بدوللا و كۆدناڤێ وێ مه‌زلووم دۆغانه.
سابری ئه‌حمه‌د كو ل سالا 1986 ل كۆبانی ژ داییك بوویه، ل 2012 ته‌ڤلی رێخستنا په‌كه‌كێ ببوو، ل سالێن داوی ژ هێلا رێڤه‌به‌رێ په‌كه‌كێ باهۆز ئه‌ردال ڤه وه‌كه به‌رپرسێ ئیستخبارتا په‌كه‌كێ ل كۆبانیێ د ناڤا رێزێن هه‌سه‌دێ ده هاتیه وه‌زیفه‌دار كرن.
ل گۆری ئاگاهیێن كو ده‌وله‌تا ترك ده‌ربارێ وی پارڤه‌كرنه، سابری ئه‌حمه‌د ل سالا 2018ێ ژ ئێریشه‌كه میتێ ب برینداری فه‌له‌تی بوو.
