دو درۆنێن ده‌وله‌تا ترکیێ، ئیرۆ دەردۆرا گوندێ گەلالە یێ سه‌ر ب قه‌زایا ماوەتێ ڤه ل سینۆرێ پارێزگه‌ها سلێمانیێ بۆمبەباران کرن.
ئیرۆ رۆژا سێشه‌مێ 2/5/2023ێ دەردۆرا دەمژمێر 11:10ێ بەری نیڤرۆ ترکیێ ب دو درۆنان ئێریشی دو جهان کر کو ب قاسی دو کیلۆمەترەیان ژ گوندێ گەلالە دوورن.
د ئەنجاما بۆمبەبارانان دە ت زرارێن جانی و مادی چێنەبوونە، ژ بەر کو درۆنان دو ناڤچەیێن ڤالا بۆمبەباران کرن.
بەری دو هەفتیان ژی، ترکیێ ب درۆنێ سینۆرێ ناڤچەیا پێنجوێنێ یا سلێمانیێ بۆمبەباران کربوو، د بۆمبەبارانێ دە ئۆتۆمۆبیلەک هاتبوو ئارمانجکرن و د ئەنجامێ دە 2 کەسان ژیانا خوە ژ دەست دابوون و کەسەک ژی بریندار بووبوو.
