هێزێن ئه‌وله‌هیێ یێن تركیێ ئیرۆ د ئۆپه‌راسیۆنه‌كێ ده كو ناڤه‌ندا وێ سته‌نبۆل بوو، 32 كه‌س ل 6 پارێزگه‌ها ب گۆمانا ئه‌ندامه‌تییا په‌كه‌كێ ده‌سته‌سه‌ر كرن.
ئیرۆ رۆژا سێشه‌می 2/5/2023ێ ب فه‌رمانا سه‌ردۆزگه‌رییا كۆماری یا سته‌نبۆلێ، هێزێن ئه‌وله‌هیێ یێن شاخا دژه ته‌رۆرێ، 32 كه‌س ب گۆمانا ئه‌ندامه‌تییا رێخستنا په‌كه‌كێ و باسكێ وێ یا ب ناڤێ جوانێن شۆره‌شگه‌ر ده‌سته‌سه‌ر كرن.
سه‌ردۆزگه‌رییا سته‌نبۆلێ فه‌رمانا ده‌سته‌سه‌ر كرنێ بۆ 39 كه‌سان ل 6 پارێزگه‌هان ده‌رخستبوو و ژ كۆما وان 32 كه‌س هاتن ده‌سته‌سه‌ر كرن.
سه‌ردۆزگه‌رییا سته‌نبۆلێ دبێژه: د لێگەرینا ناڤونیشانێن به‌رگۆمانان ده، دەمانچە، گەلەک ماتەریالێن دژیتال و وەشانێن رێخستنی یێن قەدەخەکری هاتن بدەستخستن، رێخستنا په‌كه‌كێ ژی ڤان ده‌سته‌سه‌ر كرنا وه‌كه تاسفیه‌یێن سیاسی دبینه.
