ل دیاربەکرێ جوانێن دەرچوویێن زانینگەھێ داخوازا دامەزراندنێ دکن

جوانێن کو ژ بەشێن جودا دەرچوویێن زانینگەھانن و ژ باژارێن جودایێن ل باکورێ کوردستانێ ھاتنە ل قادا شێخ سەعید جڤیان.

جوانان بال کشاندن کو ب دەهان ھەزار جوان بێ کارن و ل بەندا دامەزراندنێ نە. لێ  تایبەت ژی وەزارەتا جۆتکاری، د سالێن داوی دە، دامەزراندنێن نوو ناکە و دەرچوویێن زانینگەھان یێن ژ بەشێن جودا بێ کار مانە.

سەردال کایج ل سەر ناڤێ جوانان داخویانیێ خواند و داخواز ژ سەرۆککۆمارێ ترکیێ رەجەب تەییب ئەردۆگان کر کو ژ بۆ بێکارمایینا جوانان چارەسەریەکێ ببینە.

جوانان رەخنە ل وەزارەتا جۆتکاری و ئاژەلڤانی کرن و بال کشاندن کو ل جوگرافیەکا ژ بۆ جۆتکاریێ گونجاو دژین، لێ نە دکارن ژ جۆتکاری، نە ژی ژ پسپۆریێن خوە مفا وەربگرن.

جوانێن بێکاریێن دەرچوویێن زانینگەھان، پشتی کو ب پانکارت و داخویانیێ پەیامێن خوە راگھاندن، درۆشمێن وەک : “دامەزراندن مافە بێ دەنگ نەمینە، جۆتکاری ل ڤرە دامەزراندن ل کو یە” بلندکرن.