ئەندامەکێ په‌كه‌كێ ب ئاوایەکی ب گومان و ب کێرێ تێ کوشتن

ئەندامەکی په‌كه‌كێ ب ئاوایەکی ب گومان و د ناڤ رێزێن رێخستنێ دە ب کێرێ هاتە کوشتن و کەسوکارێن وی ژی گەلەک گومان ژ بوویەرێ هه‌یه‌، لێ ژ بۆ کو ئەو مژار بێ داخستن، په‌كه‌كێ ب فەرمی داخوازا لێبۆرینێ ژ وان کر.

ل گۆر زانیاریێن باسنیوسێ، ئەندامێ په‌كه‌كێ کەمال هەورامی، رۆژا 11/1/2023ێ د ناڤ رێزێن په‌كه‌كێ دە ب کێرێ هاتە کوشتن، لێ پشترە په‌كه‌كێ ب داخویانیەکی راگەهاند كو ئه‌و ژ ئالیێ «سیخۆرەکی ناڤخوە» ڤە هاتیە کوشتن.

كه‌مال هه‌ورامی ب یه‌ك ژ كه‌سێن نێزی فەرماندارێ په‌كه‌كێ یێ كو هاتی کوشتن «رێزان جاوید»، تێ ناس كرن.

کەسوکارێن كه‌مال هه‌ورامی داخوازا زه‌لالكرنه‌كێ ژ په‌كه‌كێ کرنە، ژ بەر كو وان گومان هەیە كو كورێ وان د چارچۆڤەیا ململانەیا ناڤخوە یا په‌كه‌كێ دە بوویه‌ قوربانی.

ل هەمبەر گڤاش و فشارێن وێ مالباتێ و ژ بۆ كو مژار بێ داخستن، رۆژا 28/4/2023ێ په‌كه‌كێ ب رێیا مالپەرا خوە یا رۆژنیۆسێ داخویانیەک بەلاڤ کر و راگەهاند، کوشتنا کەمال هەورامی ل گەل کەسەکی دن، د دەما کو هەردو ل سەر ئەرکێ خوە بوونە پێکهاتیە و دبێژە: «جەحشەکی خیانەتکار» ئەو دو ئەندامێن په‌كه‌كێ کوشتنە.

هێژای گۆتنێ یه‌، دەما کەسەک ژ مالباتا کوشتیان نەرازیبوونێ نیشان بدە، ژ ئالیێ په‌كه‌كێ ڤە گەف لێ تێن خوارن، ژ بەر وێ ژی ئەو داخوازا لێبۆرینا په‌كه‌كێ ژی گومانێن هەیی ل جه‌م مالباتا كه‌مال هه‌ورامی زێده‌تر كرنه‌.

ل گۆر زانیاریێن باسنەوسێ کو ژ کەسێن نێزیک وی ئەندامێ په‌كه‌كێ یێ هاتی کوشتن بدەست خستیە، هەتا ناها چ زانیاریەک دەربارێ تەرمێ کەمال هەورامی دە بەردەست نینە، ژ بەر وێ مالباتا کەمال هەورامی گەف ل په‌كه‌كێ خوارنە کو ئەگەر تەرمێ وان نەڤەگەرینن، وێ دەمێ دێ هەلوێستێ وان پر جددی بە.